ژبەرکو ل ئەمریکایێ نێزیکی 30 میلیۆن کەس تووشی برسیبوونێ بوونە. بۆ حالخوەشکرنا ھندەک ژ خەلکێ ئەمریکا، سەرۆکێ نوو یێ ڤی وەلاتی جۆ بایدن دو بریارنامە ئیمزا کرن و گۆت:
” ئەم نە ئەوین رێکێ بدەین خەلک برسی بمینیت.”
جۆ بایدن بۆ کەسێن برسی و هەژار دو بریارنامە ئیمزا کرن. بریارنامە دێ فەقیران پیچەکێ ژ برسیبوونێ پارێزیت و هندەک پارە دێ کەڤیتە د بەریکێن وان دا.
بایدن، یەک ژ وان بریارنامەیان کو گرێدایێ رەوشا خەلکێ هەژارە ل ئەمریکایێ رۆژا ئەینێ ئیمزا کر. بریارنامەیا دویێ بۆ کارکەرێن فەدەرالی یێن کو ب شێوێ گرێبەست کار دکەن بوو کو نھا بۆ هەر دەمژمێرەکێ 10 دۆلار و 95 سەنتا دستینن. بایدن بۆ هەر دەمژمێرەکا کارکرنێ ھەری کێم 15 دۆلار دیار کرن.
بایدن ب ڤی رەنگی ئاخڤت “ئەم ئیزنێ نادەین کو مرۆڤ برسی بمینن. مرۆڤێن کو نەشێن کرێیێن خوە بدەن، ئەم دەستیریێ نادەین کو ژ مالێن خوە بێنە دەرخستن. ئەم نەشێین تەماشە بکەین کو مرۆڤ کارێن خوە ژ دەست بدەن. دڤێت ئەم نھا هەولا بدەین ژ بۆ ڤێ چەندێ.”
بایدن، بەریا دەست ب کارێ خوە بکەت راگەھاندبوو کو دێ پاکێجا رزگارکرنا ئەمریکا ب 1.9 تریلیۆن دۆلاران ئەکتیڤ بکەت و ھوورکاتیێن وێ راگھاندبوون.
