سەرۆکێ فەرەنسایێ ئیمانوئێل ماکرۆن د جڤینا کۆنسەیا ئەتلەنتیک دا گۆتارەک پێشکێش کر. ماکرۆن د جڤینێ دا بەحسا سیاسەتا فەرەنسایێ یا ل بن یەکیتیا ئاورووپایێ و ناتۆیێ دا کر و گۆت کو ترکیا د گەلەک واران دا بۆ ھەڤکارێن ناتۆیێ دۆستانە سەرەدەریێ ناکەت.
ماکرۆن، راگھاند کو د سالا 2019ێ دا پشتی ئەمریکا بریار دای ژ سووریێ ڤەکێشیت، ترکیا بۆ ئۆپەراسیۆنەک برە سەر باکوورێ سووریێ و زۆری ل هەموو هەڤکارێن ناتۆیێ کر. ماکرۆن وەھا گۆت:
“ترکیا 2 سال بەرێ، بێ کو ل گەل ناتۆ، ئەمریکا و فەرەنسایێ دا هەماهەنگیێ بکەت، ئۆپەراسیۆنەک بۆ سەر باکورێ سووریێ ئەنجام دا. ب جارەکێ گۆت کو ھەسەدە تەرۆریستە و ئۆپەراسیۆن کر. ھندەک تشت راست بوون. لێ بێکو ژ مە بپرسیت، ل جیهێن کو ئەم لێبووین ئۆپەراسیۆن ئەنجام دان. داعش ل وێ دەرێ بوو. لەشکەرێن فەرەنسا و ئەمریکایێ ل وێ دەرێ بوون. ب جارەکێ ئەندامەکێ مە ل دژی دووڤچوونێن مە شەر دا دەستپێکرن. د ئەنجامێ دا باوەریا ب فرانسایێ، ناتۆیێ و ئەمریکایێ ل دەڤەرێ ژ ئۆرتێ رابوو.
ماکرۆن گۆت کو پشتی سووریێ ل ھەرێمێن جودا ھەمان تشتان کر و وەھا گۆت:
“ل لیبیا، قاراباخ، رۆژھلاتێ دەریا سپی، ل دژی نەتەوەیێن یەکبوویی و ھەڤکارێن ناتۆیێ کریارێن نەدۆستانە کرن. لەورا من گۆت مەژیێ ناتۆیێ مریە. کی دوژمنە و کی تەرۆریستە؟ قاعیدەیێن شەری چنە؟ بۆ چ لێخوەشبوون دا ڤان تەڤگەرێن ترکیێ؟ مە د سالا 2020ێ دا فشار زێدە کرن و گھاین ھندەک ئەنجامان. ئەم د بن چاڤدێریایا نەتەوەیێن یەکبویی دا دخوازین ل گەل ترکیا دا چ چارەسەر بکەین؟ دڤێت ئەم چ ژ ناتۆیێ ھێڤی بکەین؟ ئەم ل گەل سەرۆککۆمار ئەردۆگان ئاخفتین لێ نھا راگھاندن گەلەک جودا نە. ئەز رازی مە کو مژار کەتە رۆژەڤێ. نھا ئەم ل بەندا ئەنجامێ نە. ئەم ل بەندا چ جوورە ئەنجاماینە؟ چارەسەریا مژارا لیبیایێ، دەرخساتنا لەشکەرێن ترکیێ ژ لیبیایێ.
