تركیه دبێژیته بایدنی: ده‌ست ژ كوردان به‌رده، ئه‌م دێ ده‌ست ژ S-400ێ به‌رده‌ین
حکوومەتا ترکیێ دیار دکەت و دبێژیت: «گەر ئێدی ئه‌مەریکا دەست ژ هاریكارییا کوردێن سووریێ بەرده‌ت، ئەو ژی ب رەنگەکی سنۆردار دێ سیستەما مووشەکییا S-400ێ ب کار بینن.
دو بەرپرسێن حکوومەتا ترکیێ، کو نەخوەستن ناڤێ وان بهێته ئه‌شكه‌ره كرن، ژ مالپەرا بلۆمبێرگ را گۆتینە: «ترکیە ناخوازیت ژ بەر خاترا سیستەما مووشەکییا S-400ێ راستی سزایێن ئه‌مەریکایێ بهێت و زیانێ ببینیت، ژ بەر وێ ژی ئەو دێ داخوازییا ئه‌مەریکایێ د مژارا S-400ێ دا قەبوول كه‌ن».
بەرپرسێن ترک دانە زانین، ئەگەر ئه‌مەریکا ئێدی هاریكارییا کوردێن سووریێ ب تایبەت یه‌په‌گێ نەکەت، ئەو ژی ب رەنگەکی سنۆردار دێ سیستەما S-400ێ بکار بینن.
بەرییا نھا رێڤەبەرییا بایدن ھشیاری دابوو ترکیێ و دابوو زانین، ئەگەر ترکیە دەست ژ سیستەما مووشەکییا S-400ێ بەرنەدەت، دبیت کو ئەو سزایێن توند ب سەر ئەنقەرێ دا بسەپینن.
ژ ئالیەکی دی، پێنتاگۆنێ ل رۆژێن بووری گۆتبوو، ئەو ژ بۆ پاراستنا بیرێن پەترۆلێ نە ل سووریێ نە، تەنێ بۆ شەرێ ل دژی داعشێ ل وێرێنه و دێ ل سەر پشتەڤانیکرنا کوردان ژی بەردەوام بن.
