وه‌زارتا كارێن ده‌رڤه یا ئه‌مه‌ریكایێ ئه‌شكه‌ره كر، ژ بۆ كو به‌رپرسیاریێن ئێریشا مووشه‌كی یا سه‌ر هه‌ولێرێ بێن دیتن، ئه‌و رایه‌دارێن هه‌ولێرێ و به‌غدایێ د پێوه‌ندییان دا نه.
نێد پرایس به‌رده‌ڤكێ وه‌زاره‌تا كارێن ده‌رڤه یا ئه‌مه‌ریكایێ ل ده‌ربارا ئێریشا مووشه‌كی یا سه‌ر هه‌ولێرێ كو به‌رییا دوو رۆژان پێكهاتبوو، دیاركر، وەزیرێ دەرڤە ئانتۆنی بلنکەن ل سەر ئێریشا دژی بنگەھا لەشکەری یا ئه‌مەریکا، ب سەرۆکوەزیرێ ھەرێما کوردستانا ئیراقێ را مەسروور بارزانی را په‌یڤییه و پشتره ژی ژ کاربدەستێن بەغدا ل سەر ئێریشێ ئاگاھی ستاندن.
وی دا زانین، بۆ ئەو بەرپرسێن ئێریشێ بێن دیتن، ئه‌و به‌رده‌وام ب کاربدەستێن کورد ویێن ئیراقی را د پێوەندیێ دا نە.
بەردەڤکێ ئه‌مەریکی دەستنیشان کر، گەر ئێریش ژ ئالیێ ئیرانێ ڤە ژی ژ ئالیێ ھێزێن گرێدایی وێ ڤە ژی ھاتبە چێکرن، ئەوێ ل بەندا لێکۆلینا ئیراقێ بن و ژ پێش دا دارزاندنێ نەکن.
پرایس ئەشکەرە کر، ئەو ئێریش ل سەر سەروەرییا ئیراقێ چێبوویە، ئەوێ ب ھەڤکارییا بەغدا بەرسڤا ئێریشێ بده‌ن.
