وەزیرێن دەرڤە یێن 4 وەلاتێن ئەورۆپی ل گه‌ل وه‌زیرێ ده‌رڤه یێ ئه‌مه‌ریكایێ، هێرشا مۆشەکی یا سەر ھەولێرێ کو شەڤا 15ێ سباتێ پێک ھاتبوو ب داخویانیەکا ھەڤبەش شەرمەزار کرن.
وەزیرێ دەرڤەیێ ئه‌مه‌ریكا ئانتۆنی بلنکەن، وەزیرێ دەرڤەیێ فره‌نسا ژان یێڤس، وەزیرێ دەرڤەیێ ئالمانیا هایكو ماس، وەزیرێ دەرڤەیێ بریتانیا دۆمێنیكۆ راب و وەزیرێ دەرڤەیێ ئیتالیا لویگ دە مایۆ، دەربارێ هێرشا مۆشەکییا ل سەر ھەولێرێ داخویانیەکا ھەڤبەش ئیمزا کرن و هێرش ب توندی شەرمەزار کرن و ھەڤخەمییا خوە ژ بۆ قوربانی و مالباتێن وان و گەلێ ئیراقێ پێشکێش کرن.
د داخویانییا ھەڤبەش دا ھات گۆتن: ئەم وەزیرێن دەرڤە یێن وەلاتێن فرانسا، ئالمانیا، ئیتالیا، بریتانیا و ئه‌مه‌ریكایێ ب ئاوایەکی ھەری دژوار هێرشا رۆژا 15ێ سباتێ بۆ سەر بنکەیێ سەربازیێ ئه‌مه‌ریكایێ ل ھەرێما کوردستانا ئیراقێ شەرمەزار دکه‌ین کو بوو سەدەما کوشتنا بەلێندەرەکی سڤیل و برینداربوونا 9 کەسێن دی.
د داخویانیێ دا ھەر پێنج وەلاتان ژ بۆ لێکۆلینێن دەربارێ بوویەرێ دا و جەزاکرنا کەسێن ئەو کار کری پشتگری نیشان دان و دیار کرن: نەرینا مە دەربارێ وێ هێرشا سەر کارمەند، سەربازێن ئه‌مه‌ریكا، ھێزێن ھەڤپەیمان و سازیێن وان دا یەکگرتییە و ئه‌م ل هێرشكاران نابۆرین.
