فەرماندارێ گشتی یێ ھێزێن سووریا یا دەمۆکراتیک (ھەسەد)ێ مەزلووم عەبدی ل سەر ھەڤدیتنێن ناڤبەرا ئەنەکەسێ و پەیەنەکێ یێن ل سووریێ دەوام دکەن راگهاند، د چارچۆڤەیا پرۆسەیا دیالۆگا کوردی – کوردی یا ل رۆژئاڤایێ کوردستانێ دا، گاڤێن باش ھاتینە ئاڤێتن و ئەو ھەموو ھەولێن خوە ژ بۆ سەرخستنا وێ ددەن.
فەرماندارێ گشتی یێ ھەسەدێ مەزلووم عەبدی ب ریا پەیامەکا ڤیدیۆیی د دیدارا ناکۆکیێن کوردی – کوردی دا ل باژێرێ قامشلۆ بەشدار بوو و تێدا راگھاند، حەتا نھا گاڤێن باش ژ بۆ یەکرێزیا کوردی ل رۆژئاڤایێ کوردستانێ ھاتینە ئاڤێتن.
ھەروھا مەزلووم عەبدی داخواز ژ ھەر دو ئالیێن دیالۆگێ ئەنجوومەنا نشتمانی یا کوردی ل سووریێ (ئەنەکەسێ) و پارتیێن یەکیتیا نشتمانییا کوردی (پەیەنەکێ) کر، ناکۆکیێن خوە بدنە ئالیەکێ و نەرمیێ ژ بۆ سەرخستنا پرۆسەیا یەکرێزیا کوردی نیشان بدەن.
فەرماندارێ گشتی یێ ھەسەدێ مەزلووم عەبدی راگھاند کو سەدەمێن ئایدۆلۆژی و سیاسی نە ئاستەنگن ل بەر چێکرنا یەکیتیا کوردان و وەھا گۆت:
“جیاوازیێة د ناڤبەرا خوە دانن ئالیەکی و بۆ یەکیتیا کوردان نەرماتیێ نیشان بدەن. مە ل سەر مژارێن گشتی یێن بۆ یەکیتیا کوردا لھەڤ کریە و پرسگرێکێن کو مانە، دێ د ناڤا وەختی دا چارەسەر ببن. سەدەمێن ئایدۆلۆژیک و سیاسی ل بەر چێکرنا یەکیتیا کوردان نە ئاستەنگن.”
ھەروھا مەزلووم عەبدی تەکەز کر، ئەو وەک ھەسەدێ ب هاریکاریا ئەمریکایێ دەستپێشخەریا یەکرێزیا کوردی بەردەوام دکەن حەتا کو ب سەر بکەڤیت.
