په‌كه‌كه‌ ب ته‌رزێ داعشێ رێیا گوندێن باتیفێ TNT دكه‌ت

په‌كه‌كه‌ ب ته‌رزێ داعشێ رێیا گوندێن باتیفێ TNT دكه‌ت

چه‌ند پاشتره‌ كارێن قرێژ یێن رێخستنا په‌كه‌كێ ل باشوورێ كوردستانێ پتر ئه‌شكه‌ره‌ دبن، ئه‌ڤ رێخستن رابوویه‌ ب ته‌رزێ ته‌رۆرا داعشێ بۆمب و TNT ل سه‌ر رێیا گوندێن گرێدای ناڤچه‌یا باتیفێ یا باشوورێ كوردستانێ دانانه‌.

چاڤكانیێن پێگه‌ها داركا مازی ل باشوورێ كوردستانێ ئیرۆ رۆژا دووشه‌مبی 22/2/2021ێ ئه‌شكه‌ره‌ كر، رێخستنا په‌كه‌كێ ل رۆژێن رابووری هه‌ژماره‌كا‌ بۆمبێن ڤه‌دای و TNT و رۆكه‌ت ل سه‌ر رێیا گوندێن بناڤێ « باتیفا سه‌یدا و گوندێ راڤینا کو دکەڤیتە ناحیا کانی ماسێ یا دەڤەرا بەرواری بالا » دانانه‌، لێ به‌لێ پشتره‌ ژ هێلا هێزێن ئه‌وله‌هیێن یێن هه‌رێما باشوور ڤه‌ ئه‌ڤ پیلانا په‌كه‌كێ راستی شكه‌ستنێ هات.

ده‌ست نیشان كر، هێزێن ئه‌وله‌هیێ یێن باشوورێ وه‌لات ئه‌ڤ بۆمب و TNT یێن رێخستنا په‌كه‌كێ پووچ كرنه‌ و بێ كو چ زیانه‌ك ب وان بكه‌ڤیت ژناڤ برن.

پاش كو ته‌ڤ پیلانێن په‌كه‌كێ یێن ل دژی باشوورێ كوردستانێ راستی شكه‌ستنێ هاتین، ڤێ رێخستنێ ژ سالا رابووری ڤه‌ ئێدی ته‌رزێ ته‌رۆرا داعشێ كرییه‌ تاكتیكا شه‌رێ خوه‌، ته‌رۆركرنا برێڤه‌برێ ئاساییشا خالا سینۆر یا سه‌رزێری شه‌هید «غازی ئالیخان»، ته‌قاندنا بۆرییا په‌ترۆلێ و دانا بۆمب و ماینان ل به‌ر هێزێن پێشمه‌رگه‌، نموونه‌یێن زیندی نه‌ ل سه‌ر چالاكیێن ته‌رۆری یێن په‌كه‌كێ.

رژێما به‌عس یا سه‌دام حسێن ل ده‌ما خوه‌ ناڤچه‌یێن باشوورێ كوردستانێ مینرێژ دكرن ژ بۆ كو رێ ل به‌ر چالاكیێن پێشمه‌رگه‌هان بگریت‌، پشتره‌ حكوومه‌تا باشوورێ وه‌لات ژ سالا 91ێ ڤه‌، خه‌باتێن پاقژكرنا ناڤچه‌یێن باشوور ژ مینێن رژێما به‌عس ده‌ست پێ كرن و هه‌تا نها ئه‌و خه‌بات ده‌وام دكه‌ن، رێخستنا په‌كه‌كێ ژی ژ نووڤه‌ هاتییه‌ ڤێ تاكتیكا سه‌دام حسێن ل دژی باشوورێ كوردستانێ ب جی دكه‌ت‌ و ده‌ست هاڤێتییه‌ مایین كرنا ناڤچه‌یێن دۆربه‌را گوندان.

پوستێن ھەمان بەش