په‌كه‌كه‌ ل شكه‌فتا بابه‌كرا یا باشوورێ گوندێ بازێ تێ بۆرۆدمان كرن

په‌كه‌كه‌ ل شكه‌فتا بابه‌كرا یا باشوورێ گوندێ بازێ تێ بۆرۆدمان كرن

باله‌فرێن تركیێ ئیرۆ جاره‌كا دب هێرشا په‌كه‌كێ ل باشوورێ كوردستانێ كر، ل ده‌مژمێرێ 9ی سپێدێ لڤ و ته‌ڤگه‌رێن چه‌كدارێن رێخستنێ ل ده‌ڤه‌را به‌رواری بالا هه‌ده‌ف كر.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، ئیرۆ رۆژا چارشه‌مبیێ 24/2/2021ێ، باله‌فرێن شه‌ر یێن ده‌وله‌تا تركیێ، لڤ و ته‌ڤگه‌رێن چه‌كدارێن رێخستنا په‌كه‌كێ ل باشوورێ گوندێ بازێ یێ سنۆرێ ناڤچه‌یا كانی ماسێ ل ده‌ڤه‌را به‌رواری بالا هه‌ده‌ف كر.

ئه‌ڤ هێرش ب تایبه‌ت ل ده‌مژمێر 9:00 هه‌یا 9:25 سپێدێ پێكهاتییه‌ و باله‌فران دوو رۆكێت ل شكه‌فتا ب ناڤێ بابه‌كرا كو دكه‌ڤیته‌ باشوورێ گوندێ بازێ خستنه‌.

هێرشا ئیرۆ هه‌موه‌ختا ئێریشێن دوهی یێن تركیێ دهێت كو باله‌فران نوقته‌یێن په‌كه‌كێ ل هه‌ر یێك ژ گوندێن سگێرێ و حه‌سارا بێركیات ل سنۆرێ قه‌زا ئامێدیێ و ده‌ڤه‌را گاره‌ بۆرۆدمان كربوون، ئه‌ڤ سێ هێرش هه‌موو ل نێزی گوندان پێكهاتنه‌ و خه‌ته‌ری ل سه‌ر ژیانا خه‌لكێ ناڤچه‌یێ چێكرییه‌.

رێخستنا په‌كه‌كێ ژ خزیرانا سالا رابووری ب ئاوایه‌كی سیستماتیك حه‌ره‌كه‌تا چه‌كدارێن خوه‌ خستییه‌ ناڤا گوند و نێزیكی باژارۆكان، ئه‌و دخوازیت‌ ئه‌ڤ گوند ببن مه‌یدانا شه‌ر و ژ خه‌لكی بهێنه‌ ڤالا كرن، په‌كه‌كه‌ ب ئه‌نقه‌ست شه‌رێ خوه‌ دئێخیته‌ ناڤا گوندان و ب ڤێ ئه‌گه‌رێ ژ خزیرانا سالا رابووری 2020ێ، هه‌ژماره‌كا‌ سڤیلێن باشوورێ وه‌لات شه‌هید و بریندار كه‌تنه‌.

پوستێن ھەمان بەش