وەزارەتا بەرەڤانیا رووسیایێ راگھاند، ھەلیکۆپتەرا وان ژ بەر سەدەمەکێ تەکنیکی ل تل تەمرێ کەتیە و هیچ کەسەکێ ژی جانێ خوە ژ دەست نەدایە.
ئیرۆ رۆژا یەکشەمێ 27/2/2021ێ ھەلیکۆپتەرەکا رووسی دەما د گەرا چاڤدێریێ دا بوو ل رۆژئاڤایێ باژێرۆکێ تل تەمرێ کەتە خوارێ.
د وێ دەربارێ دا وەزارەتا بەرەڤانیا رووسیایێ د داخویانیەکێ دا راگھاند، ھەلیکۆپتەرا وان ژ بەر سەدەمێن تەکنیکی ب نەچاری داکەتیە خوارێ و هیچ کەسەک ژ تیما ھەلیکۆپتەرێ ژی جانێ خوە ژ دەست نەدایە.
وەزارەتێ تەکەز کر ژی، ھەلیکۆپتەر راستی هیچ ئێریشەکێ نەھاتیە.
ئیرۆ ھێزەکا رووسی کو ژ چەند زریپۆش و 2 ھەلیکۆپتەران پێک دھات ژ بۆ چاڤدێریکرنا رەوشا ئاگربەستێ ل دەڤەرێ، دەست ب گەرەکا چاڤدێریێ ل رۆژئاڤایێ قامشلۆ، دربێسیێ، ئەبۆ راسێن و تل تەمرێ کربوو.
