ل نیجیریایێ چەندەک بەرێ ل خوەندنگەھەکێ 317 قۆتابیێن کەچ ژ لایێ کۆمەکا چەکدار ڤە ھاتبوون رەڤاندن. ھات راگھاندن کو ئیرۆ 28ێ شوباتێ ھەژمارەک ژ وان کەچان ھاتنە ئازادکرن.
حاکمێ ھەرێما نگەرێ ئەبووبەکر بەلۆ راگھاند کو 38 خوەندەکارێن کەچ یێن کو دو حەفتیان بەری نھا ژ قۆتابخانەیەکا ئامادەیی ھاتبوونە رەڤاندن، ھاتنە ئازادکرن.
پۆلیسێ نیجیریایێ رۆژا ئینیا رابۆری دابوو خویاکرن، کۆمەکا چەکدارێن نەناس ب سەر قۆتابخانەکا ئامادەیی یا کەچان دا گرتیە و 317 قۆتابیێة کەچ رەڤاندنە کو نایێ زانین ئەو برنە کو دەرێ.
ل ئالیێ دن پاپایێ ڤاتیکانێ پاپا فرانجس ژی ئیرۆ یەکشەمبێ ل ڤاتیکانێ رەڤاندنا کەچان ل نیجیریایێ وەکو “رەڤاندنەک بێشەرمانە” شەرمەزار کر و گۆت “ئەم نڤێژا و دووعا دکەین ژ بۆ کەچێن جوان دا کو بلەز ڤەگەرن مالێن خوە.”
