ئێڤارا ئیرۆ رۆژا یەکشەمبی وەزیرێ بەرگریا ئەمریکایێ ڵۆید ئاوستن راگھاند، ئەم دێ د دەم و جھێ پێویست دا بەرسڤا ئێریشا عەین ئەسەد دەین.
ئیرۆ رۆژا یەکشەمبی 7/3/2021ێ وەزیرێ بەرگریا ئەمریکا ڵۆید ئاوستن ژ بۆ کانالا ABC یا ئەمریکی ئاخڤت و دا راگھاند ئەو ب پێویست دزانن بەرسڤا ئێریشا سەر بنکەیا عەین ئەسەد یا ل پارێزگەھا ئەنبارا ئیراقێ بدەن و بەرژەوەندیێن ئەمریکایێ بپارێزن و داوی ل ئێریشێن مووشەکی یێن سەر ھێزێن ئەمریکایێ بینن.
ھەروھا ڵۆید ئاوستن راگهاند، ئالیێن ئیراقی ھاتنە ئەرکدارکرن داکو لێکۆلینێ دەربارێ وێ رووداوێ و ئەنجامێن وێ دا بکن و ئێریشکاران ئاشکەرا بکن.
د بەردەوامیێ ژی دا ڵۆید ئاوستن، تەکەز کر ئەو ب پێویست دزانن بەرسڤا ئێریشا سەربازی بدەن و د ھەر دەم و جھێ پێویست دا ئەو دێ بەرسڤا ئێریشا عەین ئەسەدێ دەن.
هێژایی گۆتنێ یە د ئەنجاما ئێریشا مووشەکی یا حەفتەیا بۆری رۆژا چارشەمبێ ل سەر بنکەیا سەربازی یا عەین ئەسەد یا ئەمریکایێ ل ئەنبارێ کارمەندەکێ بنکەیێ هاتبوو کوشتن.
