رێکخستنا سەر ب نەتەوەیێن یەکبوویی ڤە یونیسێفێ د 8ێ ئادارێ دا رۆژا جیھانی یا ژنێن کەدکار، مەترسییا ڤیروسا کۆرۆنایێ ببیر خست و دا زانین، دبیت حەتا سالا 2030ێ 10 ملیۆن زارۆک بێنە زەوجاندن.
یونیسێفێ دا خویاکرن، ل سەر 100 ملیۆن زارۆکێن کچ ژی مەترسیا زەوجاندنێ ھەیە و بال کشاندە سەر؛ ژ بەر گرتنا قۆتابخانەیا، خراب بوونا بارودۆخێ ئابۆری، راوەستاندنا خزمەتێن رایا گشتی و مرنا دایک و بابان دبیت کو زارۆکێن تەمەنێ وان د بن 18 سالییێ دا بهێنە زەوجاندن.
ل گۆری داخویانیێ زەوجاندنا زارۆکان د ناڤ دەھ سالێن داوی دا ژ سەدی 25 کێم بووبوو و رێگری ل زەوجاندنا 25 ملیۆن زارۆکان ھاتبوو کرن.
یونیسێفێ دایە زانین، ل سەرانسەرێ دنیایێ 650 ملیۆن زارۆکێن کچ بەریا کو بگەهن 18 سالیا خوە ھاتینە زەوجاندن.
نیڤا زەواجا زارۆکان د ئاستا جیھانێ دا، ل وەلاتێن بانگلادش، بەرازیل، ئەسیۆپیا، ھندستان و نیجیریایێ ھاتینە کرن.
