رۆژنامه‌یه‌كا فره‌نسی: كوردێن ئیراقێ قوربانیێن شه‌رێ په‌كه‌كێ و تركیێ نه
رۆژنامه‌یه‌كه ناڤدار ئا فره‌نسایێ به‌لاڤ كرییه كو قوربانیێن سه‌ره‌كه یێن شه‌رێ تركیێ و په‌كه‌كێ، كوردێن ئیراقێ نه.
رۆژنامه‌یا لاكروا یا فره‌نسایێ كو ژ رۆژنامه‌یێن ناڤدار یێن ڤێ ده‌وله‌تا ئه‌ورۆپایێ یه، د راپۆره‌كێ ده باس ل شه‌رێ په‌كه‌كێ و تركیێ ل باشوورێ كوردستانێ كرییه و دبێژه: كوردێن ئیراقێ قوربانی و زرارمه‌ندێن سه‌ره‌كه یێن ڤی شه‌ری نه.
رۆژنامه‌یا ناڤبووری د راپۆرا خوه ده كو په‌یامنێرا وان یا ل باشوورێ كوردستانێ ژ بۆی ئاماده كرییه، دبێژه: ب سه‌ده‌ما بۆرۆدمانا به‌رده‌وام یا ئارتێشا تركیێ ل باشوورێ كوردستانێ كو ئه‌ڤ بۆرۆدمان رێخستنا په‌كه‌كێ هه‌ده‌ف دكه، ته‌نێ گه‌لێ باشوورێ كوردستانێ زرارێ ژ ڤێ بۆردۆمانێ دبینه.
هه‌روه‌ها ده‌ست نیشان كر، ب سه‌دان گوندێن سه‌ر سینۆر ب سه‌ده‌ما شه‌ر ڤالا مانه و بوونه قادا شه‌ر و شێنیێن وان كۆچبه‌ر و ده‌ربه‌رده‌ر بوونه.
رۆژنامه‌یا لاكروا ئه‌شكه‌ره ته‌ڤ زرارێن جانی یێن ب گه‌لێ باشوور دكه‌ڤن، شه‌رێ تركیێ و په‌كه‌كێ ل سه‌ر خاكا باشوورێ كوردستانێ زرارێن ئابووری یێن هه‌ری مه‌زن ب ڤێ هه‌رێمێ خستنه.
