پێشمەرگەیا کوردستانێ باوەرنامەیا خوە ژ ئەکادەمیا لەشکەریا مەلکی ل بریتانیا وەرگرت

ژنەکا پێشمەرگەیا کوردستانێ، د ئەکادەمیا لەشکەری یا مەلکی ل بریتانیا (The Royal Military Academy Sandhurst-RMAS) خواند و پەروەردەیا خوە ب داوی ئینا.

مەدیا مەستی تەمەنێ 30 سالە و ژ بەری نھا ژی د پێشمەرگەتیا خوە دا وەک پزشک کار کریە و پشترا ژی، ژ بۆ پەروەردەیا خوەیا لەشکەری بەشداری د ئەکادەمیا لەشکەری یا مەلکی ل بریتانیا بوویە.

د رێورەسمەکێ دا، ئارتێشا بریتانیایێ باوەرنامەیا تەمامکرنا ڤێ خۆلێ ب سەرکەفتن دا مەدیا مەستی و 18 کەسێن دی ژی.

جارا یەکەمینە ژنەکا کورد بەشداری پەروەردەیەکا ب ڤێ ئاستا بلند دبیت و ئارتێشا بریتانیایێ ڤێ یەکێ وەکو پێنگاڤەکا بێ وێنە ب ناڤ دکەت.

مەدیا مەستی ل سەر ئەزموونا خوەیا نوو گۆت، “دو ھحفتەیێن دەستپێکێ زەحمەت بوون، ب تایبەتی د ناڤا ھەوایەکێ گەلەکێ سار دا بوون.”

مەدیایێ گۆت، “من قەت باوەر نەدکر کو ئەز دێ ڤێ زولێ ب دوماهی ئینم و گەهمە رۆژا ئیرۆ.”

هێژایی گۆتنێ یە بریتانیا، د چارچۆڤەیا ھەڤپەیمانیا ناڤدەولەتی یا ل دژی داعشێ دا، پەروەردە و هاریکاریێ پێشکێشی ھێزێن پێشمەرگەیان دکەت.