پرۆژەیا ب ناڤێ “رێ و نشف” کو ژ لایێ چینێ ڤە ھاتبوو دەستپێکرن، نھا ئیران ژی تەڤلی وێ پرۆژەیێ بوو. ھەر دوو دەولەتا بۆ 25 سالان پەیمانەک ئیمزا کرن.
رۆژا شەمبی، بەلگەنامەیا بەرنامەیا ھەڤکاریێ یا ب ناڤێ رێکەفتنا 25-سالی د ناڤبەرا ئیران و چینێ دا ژ لایێ محەمەد جەواد زەرف و وانگ یی، وەزیرێن کارێن دەرڤە یێن ھەر دو وەلاتان ڤە ھاتە ئیمزاکرن.
وەزیرێ دەرڤەیێ چینێ، کو ل سەر ڤەخواندنا ھەڤتایێ خوەیێ ئیرانی چووبوو تەھرانێ، دگەل عەلی لاریجانی شێورمەندێ رێبەرێ کۆمارا ئیسلامی یا ئیرانێ جڤیا.
ھەر دوو لایەنا بەحسا ناڤەرۆکا پەیمانێ نەکرن لێ دهێتە گۆتن کو ھەر دوو تەرەف د سالا 2016 ێ دا ل سەر ڤی بابەتی ھەڤدیتن کرنە و پەیمان ئیرۆ ھاتیە ئیمزاکرن.
