ئه‌مه‌ریكایێ جه‌زا ل سه‌ر پیشه‌سازییا به‌ره‌ڤانیێ یا ده‌وله‌تا تركیێ سه‌پاندن، ئه‌ڤ جه‌زا ب سه‌ده‌ما په‌یمانا تركیێ یا ل گه‌ل رووسیایا فه‌ده‌رال و كڕین و تێست كرنا سیسته‌ما مووشه‌كی یا S-400ێ هاتنه راگه‌هاندن.
ئانتۆنی پلێنگن، وه‌زیرێ ده‌رڤه یێ ئه‌مه‌ریكایێ راگه‌هاند، سازییا پیشەسازیێن بەرەڤانیێ یا تركیێ كو ب SSB تێ ناس كرن، چەند سالن پەیمانەکە مەزن ب ئالیێ رووسی را کرییە، ژ به‌ر ڤێ سه‌ده‌مێ دڤێت جەزا ل گۆری یاسایا (CAATSA) ل دژی وێ سازییا ترکیێ و سەرۆکێ وێ ئیسماعیل دەمیر و سێ سەرۆکێن دی بهێنه فەرز کرن.
ل گۆری جه‌زایێ، قەدەغەیە ل سه‌ر وەلاتیێن ئه‌مه‌ریکی ب ترکێن کو جەزا ل سەر وان ھەنە، سەرەدەریێ بکه‌ن.
ھەروه‌ھا دێ مال و ملکێن کەسێن ناڤێن وان د لیستەیا جەزایان دا ھەنە، هێنه جەمداندن و دەستھلاتێن ئامەریکا ڤیزایێ نا ده‌نه وان.
د پێشنیازا جه‌زایان دا هاتییه: ھه‌ناردەکرنا بەرھەمێن ئه‌مەریکی ژ بۆ دەستھلاتا ترکیێ دێ هێته قەدەغە کرن و دێ دانا دەینێن کو زێدەتری 10 ملیۆن دۆلاانه ژی ژ وێ سازیێ هێنه قەدەغەکرن.
وەزارەتا دەرڤەیا ئامەریکا راگھاند، جەزایێن (CAATSA) ل دژی ترکیەیێ دێ سبه ب باندۆر ببن.
