جیگرێ وەزیرێ کارێن دەرڤەیێ رووسیایێ سێرگی ریابکۆڤ ل سەر مژارا ئووکراینایێ بانگ ل ئامەریکایێ کر کو د مژارا ئووکراینایێ دا ب بەرپرسیاری تەڤبگەریت.
ریابکۆڤ، بۆ ئاژانسا رووسی یا ب ناڤێ بۆ رایێ، ل سەر بابەتا گەنگەشەیێن ل سەر سینۆرێن ئووکراینایێ شرۆڤەیێن خوە کرن و گۆت:
“دڤێت ئامەریکا د بابەتا ئووکراینایێ دا ب بەرپرسیاری تەڤبگەریت. ئەم بانگ ل واشنگتۆنێ دکەین کو د ناڤبەرا دانووستاندنێن پاییتەختان دا ب بەرپرسیاری تەڤبگەرن و دژبەریێ زێدە نەکن.”
ریابکۆڤ گۆت کو ئەو ب ھێڤینە کو ل سەر مژارا رۆژھلاتێ ئووکراینایێ، ئامەریکا پێنگاڤێن پێدڤی باڤێژیت و وەھا دەوام کر:
“ھەلبەت ئەم ل بەندێینە کو ئامەریکا سیاسەتا کیێڤێ کو گەنگەشەیێ زێدە دکەت راگریت.”
ریابکۆڤ ھەر وەھا راگھاند کو د گەل ئامەریکایێ دا د ئاستا وەزیرێن کارێن دەرڤە و وەزیرێن بەرگریێ دا ل سەر بابەتی چ پەیوەندیەک نەھاتیە گرێدان.