کارڤەدان و بەرتەکێن سەر کریزا نەبوونا ئەتەکێتێن دیپلۆماتیک ل ترکیا کو سەرۆکا کۆمسیۆنا ئەورۆپایێ ئورسولا ڤۆن دەر لەیەن ل سەر پییا ھاتبوو هێلان و سەرۆکێ کۆنسەیا ئەورۆپایێ چارلس میشێل ژی هیچ کارڤەدانەک نیشان نەدابوو و ل کێلەکا ئەردۆگان روونشتبوو ل ئەورۆپایێ بەردەوام دکەن.
ل وەلاتێن ئەورۆپایێ ژ بۆ کو چارلس میشەل ژ بەر ڤێ خەمساریا خوە دەست ژ کار بکێشیت و ئیستفا بکەت کەمپینەک ھاتیە دەستپێکرن و گەلەک کۆمەل و رێخستنێن ژنان پێشەنگیا وێ کەمپینێ دکەن و میشێل وەکی کەسەکی رێز ل خانم لەیەنێ نەگرتیە نیشان ددەن.
رێخستنێن ژنان رەخنەیێن توند ل چارلس میشەل دگرن و دبێژن، مافێ ژنێ ھاتیە بنپێکرن و ل ترکیا ب پرۆتۆکۆلا ترکیا ھاتیە پچووک کرن و ژ بەر ڤێ ژی داخوازێ ژێ دکەن دەملدەست دەست ژ کار بەردەت.
