ئه‌مه‌ریكا جه‌میل بایك، دوران كالكان و موراد قارایلان خستن د لیستا داخوازكرییان دا‌

ئه‌مه‌ریكا جه‌میل بایك، دوران كالكان و موراد قارایلان خستن د لیستا داخوازكرییان دا‌

ویلایه‌تێن یه‌كگرتی یێن ئه‌مه‌ریكایێ، هه‌ر یێك ژ جه‌میل بایك، موراد قارایلان و دوران كالكان ئێخستن د لیستا داخوازكرییان دا‌ و ب ملیۆنان دۆلار خه‌لات ژ بۆ هه‌ر كه‌سه‌كی ده‌ست نیشان كرن كو ئاگاهییان ل ده‌ربارا وان بده‌ت.

وه‌زاره‌تا ده‌رڤه‌ یا ئه‌مه‌ریكایێ ب رێیا ئه‌كاونتا خوه‌ یا فه‌رمی یا ب ناڤێ «خه‌لات ل پێناڤێ دادپه‌روه‌ری» ل تویته‌رێ، وێنه‌ و ئاگاهی ل ده‌ربارا جه‌میل بایك، دوران كالكان و موراد قارایلان به‌لاڤ كرنه‌ و د راگهاندنه‌كێ دا‌، په‌كه‌كه‌ وه‌ك گرووپه‌كێ‌ ته‌رۆریستی ب ناڤ كرییه‌.

وه‌زاره‌تا ده‌رڤه‌ یا ئه‌مه‌ریكایێ ده‌ست نیشان كر، رێخستنا په‌كه‌كێ زیان ل خه‌لكێ سڤیل كرییه‌ و ژ به‌ر ڤێ ناڤێ رێڤه‌به‌رێن وێ جه‌میل بایك، موراد قارایلان، دوران كالكان كه‌تییه‌ د لیستا داخواز كرییان دا‌.

ئه‌مه‌ریكایێ خه‌لاتا 4 ملیۆن دۆلاران ژ بۆ دانا ئاگاهییان ل سه‌ر جه‌میل باییك ده‌ست نیشان كرن، هه‌روه‌ها خه‌لاتا 3 ملیۆن دۆلاران ژ بۆی دوران كالكان و خه‌لاتا 5 ملیۆن دۆلاران ژی ژ بۆ دانا ئاگاهییان ل ده‌ربارا موراد قارایلان ده‌ست نیشان كرنه‌.

ل داوییا راگه‌هاندنا ئه‌مه‌ریكایێ هاتییه‌: حكوومه‌تا ویلایه‌تێن یه‌كبوویی یا ئه‌مه‌ریكایێ ل همبه‌ری ئاگاهیێن په‌یوه‌ندیدار ب هه‌ر یێك ژ ڤان كه‌سان، دێ خه‌لاتان ده‌ت، پاراستنا ژێده‌رێن كو ئاگاهییان ژی دشینن كرییه‌.

وه‌زاره‌تا ده‌رڤه‌ یا ئه‌مه‌ریكایێ داخواز كرییه‌ كو ژ بۆ دانا ئاگاهییان په‌یوه‌ندی ب نێزیكترین كونسلخانه‌یێن ئه‌مه‌ریكایێ بهێته‌ كرن، یان ژی  ل سه‌ر ڤی ناڤ و نیشانی ئاگاهی بهێنه‌ شاندن.

[email protected]

پوستێن ھەمان بەش