شكه‌ستنێ ب سه‌ركه‌تنێ تۆمار بكه، ئه‌ڤه درویشمێ سه‌ره‌كی یێ پارتیێن ئایدۆلۆژست و دهولهتێن تۆتالیزمه.
كوردستانیێن هه‌ژار بوویه قوربانیێ ڤێ سیاسه‌تێ كو ژ لایێ پارتیێن ب ناڤ كوردستانى و دهولهتێن كوردستان داگیركرى، دهیته بجهئینان.
د ڤێ حه‌فتیێ دا ئه‌ڤ یارییه ب شێوه‌یه‌كێ ئاشكرا د ناڤبه‌را سوپایێ توركیا و پارتییا كاركه‌رێن كوردستانێ ب شیوه‌یێ رێككه‌فتنا پشت په‌ردێ هاته بجهئینان.
ل سالا 1915ێ، ده‌وله‌تا ئۆسمانی كۆمكوژییا ل سه‌ر سڤیلێن ئه‌رمه‌نییان كر و ل روژا 25ێ ڤێ مه‌هێ ئه‌مه‌ریكا ب ئاوایه‌كێ فه‌رمی ئه‌ڤ كۆمكوژییه ب جینۆساید دا ناساندن.
جینۆساید ناساندنا ژ لایێ ئه‌مه‌ریكایێ ڤه بوویه ئه‌گه‌رێ په‌یدابوونا ئاژاوێ ل ناڤا توركیا ب گشتی و پارتیێن به‌رهه‌لستكار و رێخستنێن سڤیل، هه‌روه‌ها جادده‌یا توركیا ل دژى ده‌ستهه‌لاتا توركیا و نه‌خاسمه ل سه‌ر پارتییا ده‌ستهه‌لاتدار گه‌له‌ك گه‌رم بوویه.
هه‌تا كو ئه‌ڤ ئاژاوه ل توركیا سست ببیت و كارتێكرنا نیگه‌تیڤ ل سه‌ر ده‌ستهه‌لاتا توركیا نه‌كه‌ت، پێدڤییه حكوومه‌تا توركیا كاره‌كی بكه‌ت كو نیشانێن سه‌ركه‌تنێ تێدابن، واته سه‌ركه‌تن ب سه‌ر شكه‌ستنێ بكه‌ڤیت.
لژنه‌یا هه‌ڤپشكا ڤه‌شارتى د ناڤبه‌را پارتییا كاركه‌رین كوردستانێ ونوینه‌رێن ده‌وله‌تا توركیا دا گه‌هشتنه وێ بریارێ كو پێدڤییه ده‌ملده‌ست ئو‌په‌راسیۆنه‌كا بله‌ز بهێته كرن و سوپا تێدا سه‌ربكه‌ڤیت و بریارا ئۆپه‌راسیۆنا زنارا كێسته هات دان.
ستراتیجیه‌تا ئوپه‌راسیونا زنارا كێسته دێ 3 ئارمانجان بجهئینیت:
