بووبێ ئەسەر
د دوماهیا سالێن 60ێ ھەتا سالا 1980ێ رێخستن و تەڤگەرێن کوردان یێن کو ژ خوەندەڤانان دەستپێ کربوو رۆژ ب رۆژ گەش، خورت و ب ھێز دبوون. مەسەلەیا نەتەوایەتیێ، کورد و کوردستانیێ خوە د مەژیێ کوردان دا ب جھ دکر. رێخستن و تەڤگەرێن کوردان ژ ناڤا خوەندەڤانان، ژ ناڤا باژێران خوە بەردا ناڤا گوندان و کارکەران دا.
ھەر چەند دهێتە زانین و گەلەک ژ مە دزانن کو پەکەکە ژ کو ھاتیە، چاوا ھاتیە و ژ بۆ چ ھاتیە. لێ دیسا ژی ئەز ب خوە پێویست دبینم کو ھەر ل سەر وێ بنڤیسم و بێژم کو ئەو باش بێنە ناسین، و خەلکێ مە باش تێبگەهن کو پەکەکە ژ کو ھات و چاوا ھات. ژ بۆ چ ھات حەتا نھا چ کر و دکەت.
ھەلبەت پەکەکە ژ ئەنقەرەیێ ھات و خوەش ژی دانا، ئانکو دانە مەشاندن و ب رێڤەبریەک تەمام ل گۆر دلێ داگیرکەرێن ترکان ھەموو کارێ خوە دکەت دا کو کوردستانەکا ئازاد و سەربخوە دروست نەبیت.
بۆچی پەکەکە ئانین ئانکو دانا؟
باش دهێتە زانین کو د دەستپێکا سالێن 1960ێ دا تەڤگەرا کوردان یا کو پشتی قەتلکرن، وێرانکرن و کۆمکوژیا دێرسمێ (1938) بێ دەنگیەک مەزن، ترس و خۆفەک بێ ھەمپا کەتبوو ناڤ کوردێن مە یێن باکورێ کوردستانێ دا. ڤێ ترس و خۆفێ حەتا داویا سالێن 60ێ بەردەوام کر.
د وەلاتەکێ دا، د ناڤا گەل و خەلکەکێ دا بێدەنگیا ھەتا ھەتایی نینە. یا مە کوردێن باکور ژی ئەڤە بوو. ئەو ترس و خۆفا هەیی ھەتا داویا سالێن 60ی بەردەوام بوو، پشتی وێ ھێدی ھێدی دیسا تەڤگەر و رێخستنێن کوردان سەر ھەلدان دا کو گەلێ خوە ژ بن زلم و زۆداریا داگیرکەرێن ترکان دا خلاس بکەن.
د داویا سالێن 60ێ ھەتا سالا 1980ێ رێخستن و تەڤگەرێن کوردان یێن کو ژ خوەندەڤانان دەستپێ کربوو رۆژ ب رۆژ گەش، خورت و ب ھێز دبوون. مەسەلەیا نەتەوایەتی، کورد و کوردستانی بوونێ خوە د مەژیێ کوردان دا ب جھ دکر. رێخستن و تەڤگەرێن کوردان ژ ناڤا خوەندەڤانان، ژ ناڤا باژێران خوە بەردا ناڤا گوندان و کارکەران دا.
ڤێ پێشڤەچووینێ روحیەتەکا نەتەوەیی مەژیکێ کوردەواری بۆ خەلکی چێ دکر. ڤی مەژی ڤێ روحیەتێ ژی ئەو زانین ددا کوردان دا کو خوە ژ بندەستیێ ئازاد بکەن و وەلاتێ خوە ژ بن دەستێ داگیرکەران خلاس بکەن.
ڤێ پێشڤەچووینێ ترس و خۆفا ل سەر کوردان راکربوو، ترس خستە دل و مەژیێ ترکان. لەورا وان ژی دیت کو دێ چاوا تەڤگەرا گەلێ کورد رۆژ ب رۆژ، دەمژمێر ب دەمژمێر بۆ پێشڤە دچیت. ڤێ پێشڤەچووینێ ترس و خۆفا وان مەزن کر.
ترکان وەھا باوەر کر کو کوردستان دێ ڤێ جارێ ژ دەستێ وان خلاس بیت. لەورا ل پێکڤە کۆم بوون، پێکڤە راوێژ کر کو چاوا پێشیا تەڤگەرا کوردان بگرن. تێ گەھشتن کو ئەو ئێدی وەکو بەرێ نەشێن ب قرکرن و وێرانکریا راستە راست کوردان ژناڤ ببەن.
ھەر وەھا شەرت و مەرجێن پشتی سالێن 60ێ ژی ھاتبوون گوھەرین. ل گۆر ڤێ کاربدەستێن ترکان پێکڤە بریار دا کو رێخستنەکێ ل سەر ناڤێ گەلێ کورد ئاڤا بکەن دا کو ب سایا ڤێ، تەڤگەرا کوردان یا نەتەوەیی تێک ببەن.
ل گۆر ڤێ پەکەکە دامەزراندن و د دامەزراندنا وێ دا ب سلۆگان و سلۆگانێن کو ب سالان بوو کورد ل بەندێ بوون ئاژۆتن ناڤا گەل. د وارێ ئابۆری دا خورت کرن، د وارێ لەشکەری دا ب ھێز کرن و ب ڤێ ھێزێ خواستن کو دەست ب شۆرەشا بێ وەخت لێ ب سلۆگانێن مەزن شۆرەشەک د بنگەھێ خوە دا ژناڤبرنا کوردان بوو، بکن. وەھا ژی کرن.
پەکەکێ چاوا دەست ب شەری کر و نھا ل کویە دهێتە دیتن و زانین. لۆما ئەز ل سەر ڤێ ناسەکنم. لێ دزانم کو ئەو پەکەکەیا کو ژ ئەنقەرەیێ ھاتبوو و کەت ناڤا گەل داخواز و ئارمانجا وێ نە ئازادکرنا گەل لێ تێک برنا گەلێ کور بوو.
د دەستپێکێ دا ئەڤە باش نەھاتە فێم کرن ئانکو ژ بەر وێ زۆلم و زۆرداریا دوژمن ئەڤە نەھاتە فامکرن. ژ بەر ڤێ بوو کو ئەو پرۆژەیا کاربدەستێن ترکان ژ بۆی پەکەکێ ئامادە کربوو، ل گۆر دەم و جهی ئەو پێک ئانین. ھێژان ژی پێک تینن و حەتا ئەڤ ھێز و پشتگریا وان ھەبیت دێ کەن.
ژ بەر ڤێ یە کو ئەز دبێژم؛ چ چوو؟ ما چ نەچوو. وەلات وێران بوو. خەلک پەریشان بوو. تەڤگەرەکا کو ب وێرەکی دەرکەڤیت نەهێلا.
چ ھات. کەمالیزم ھات. ئەو کەمالیزما کو قرا گەلێ مە ئانیبوو ل جەم کوردان شرین کرن. براتیا ترک و کوردان ئانی. ئانین و خوەستن بێژن؛ دو برا حەتا حەتا نکارن ھەڤ بکوژن. حەزکرنا ترکان ب کوردان دا قەبوولکرن، وەلاتێ ترکان ب کوردان شرینتر کرن. مالوێرانی ئانین، قرکرنا ملەت ئانین وێرانکرنا وەلات ئانین. کێ ئەڤە کر؟
ھەلبەت ب سایا سەرێ پەکەکێ ئەڤە چێبوو. ترکان د ڤێ دەما کو ل جیھانێ ھەر تشت هاتیە گوھەرین، نکاریبوون وەکو بەرێ راستە راست کوردان بکوژن. باژێر و گوندێن وان ب سەر سەرێ وان دا خراب بکەن. لەورا پەکەکە یا ژ ئەنقەرەیێ هاتی کرە سەدەم و ھەر تشت ل گۆر دلێ خوە کر، ھێژان ژی دکەن و حەتا کو رەوشا مە و رێخستنێن مە ئەڤ بیت دێ کەن ژی.
تێبنی: ئەڤ نڤیسینە د 1/7/2017ێ د مالپەرا نەرینا ئازاد دا ھاتیە بەلاڤکرن و نها نڤیسەری جارەکا دی خواستیە ل پێگەها مە دا بەلاڤ بکەت….
