په‌كه‌كێ ب TNT یێ 3 كارمه‌ندێن حكوومه‌تا هه‌رێما كوردستانێ بریندار كرن

TNT یه‌كا په‌كه‌كێ 3 كارمه‌ندێن حكوومه‌تا هه‌رێما كوردستانێ بریندار كرن

سێ كارمه‌ندێن حكوومه‌تا باشوورێ كوردستانێ، ئیرۆ سه‌رێ سبێ ل ناڤچه‌یا كانی ماسێ بریندار كه‌تن، وه‌ختا كو TNT یه‌كا ڤه‌دای یا چه‌كدارێن په‌كه‌كێ ب وان ڤه‌ ته‌قیایی.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، ئیرۆ رۆژا سێشه‌می 27/4/2021ێ، 3 كارمه‌ندێن فه‌رمانگه‌ها كاره‌بێ یا پارێزگه‌هییا دهۆكێ ل چیایێ گابنێركێ ل سینۆرێ گوندێ راڤینا ل وه‌ختا كو خوه‌ستین تۆرا كاره‌بێ ئه‌وا د ئێریشێن دوهـ ده‌ زیان ڤێ كه‌تی چاره‌سه‌ر بكه‌ن، TNT یه‌كا چه‌كدارێن په‌كه‌كێ ب وان ڤه‌ ته‌قیاییه‌.

ئه‌ڤ هه‌رسێ كارمه‌ند ئه‌ڤن:

  1. حسێن سلێمان راڤینی.

  2. ئیبراهیم محه‌مه‌د راڤینی.

  3. نیوار محه‌مه‌د سالح زكری.

چاڤكانیێن مه‌ ئه‌شكه‌ره‌ كر، ئه‌ڤ هه‌رسێ كارمه‌ند ژ بۆی نه‌خوه‌شخانێ هاتنه‌ راكرن و نها ل پارێزگه‌هییا دهۆكێ تێن ده‌رمان كرن.

د 24 ساعه‌تێن ده‌رباسبوویی ده‌، ئێریشێن ده‌وله‌تا تركیێ ل سه‌ر لڤ و ته‌ڤگه‌رێن په‌كه‌كێ ل باشوورێ كوردستانێ هه‌ری زێده‌ هاتن ئه‌نجام دایین، ب وێ سه‌ده‌مێ تۆرا كاره‌بێ یا هه‌ژماره‌كه‌ گوندێن ناڤچه‌یا كانی ماسێ زرار پێ گهیشتن.

ئیرۆ ئه‌ڤ هه‌رسێ كارمه‌ندێن فه‌رمانگه‌ها كاره‌بێ یا پارێزگه‌هییا دهۆكێ ژ بۆ چاره‌سه‌ر كرنا ڤێ پرسگرێكێ چوون كانی ماسێ، لێ به‌لێ TNT یه‌كا چه‌كدارێن په‌كه‌كێ ب وان ڤه‌ ته‌قیاییه‌.

رێخستنا په‌كه‌كێ ل مه‌هێن رابووری ب ئاوایێ داعشێ، رێیا گوندێن باشوورێ كوردستانێ، ب تایبه‌ت ل سینۆرێ پارێزگه‌ها دهۆكێ TNT دكه‌، لێ به‌لێ هه‌ر جارێ ئه‌ڤ هه‌ولێن وان ژ هێلا هێزێن ئه‌وله‌هییا باشوور ڤه‌ راستی شكه‌ستنێ هاتنه‌.‌

پوستێن ھەمان بەش