“کەشتیێن سوپایێ پاسداران، 50 مەتران نێزیکێ کەشتیێن ئامەریکا بوونە و پرسگرێک ژ بۆی وان چێکرینە”
ئامەریکا سوپایێ پاسدارێن ئیرانێ وەکو گەفەک ل سەر ئاساییشا دەریایی دزانیت و دبێژیت ئارمانجا ئیرانێ ژ ڤان کاران تێکدانا گۆتوبێژێن ئەتۆمی یە ل ڤیەنایێ.
رۆژنامەیا “وولستریت جۆرنال”، رۆژا دوشەمبی 26/4/2021ێ، پشتی بەلاڤبوونا تۆمارەکا دەنگی یا محەمەد جەواد زەریف، وەزیرێ کارێن دەرڤە یێ ئیرانێ، ل همبەر مایتێکرنێن قاسم سولەیمانی، فەرماندارێ بەرێ یێ فەیلەقا قودسا سوپایێ پاسدارێن ئیرانێ ژ بۆی تێکدانا رێکەفتنا ئەتۆمی یا ئیرانێ و وەلاتێن 5+1، ل سەر گۆتنا بەرپرسێن ئامەریکایی راگهاندیە ب دوبارە دەستپێکرنا گۆتوبێژێن ئەتۆمی کەشتیێن سوپایێ پاسداران د ئاڤێن ناڤدەولەتی دا پرسگرێکا ژ بۆی کەشتیێن ئامەریکایی دروست دکەن.
د راپۆرتا ڤێ رۆژنامەیێ دا هاتیە کو د مەها رابووری دا د دەما گۆتوبێژێن لهەڤهاتنا ئەتۆمی دا ل ڤیەنایێ، کەشتیێن سوپایێ پاسداران 50 مەتران نێزیکی کەشتیێن ئامەریکایێ بوونە و پرسگرێک ژ بۆی وان دروست کرنە، ب ئاوایەکێ کو کەشتیێن ئامەریکایێ نەچار مانە رێیا خوە بگوهەرینن.
ئەڤ یەکەم جار نینە کو هێزێن سوپایێ پاسداران کارێن ئیستیفزازی ل دژی کەشتیێن ئامەریکایێ د ئاڤێن ناڤنەتەوی دا ئەنجام ددەن، پێش نها ژی چەندین جاران سوپایێ پاسداران ئەڤ کارە ئەنجام دایینە.
