• به‌شێ – 1

زۆر جاران نه‌هشا مرۆڤى زال دبیت ل سه‌ر هشا مرۆڤى، واته‌ هزرا مرۆڤ نه‌خازیت بێژیت دهێته‌ گۆتن و ژده‌ڤێ مرۆڤی ده‌ردكه‌ڤیت.

یه‌ك ژئه‌ندامێن سه‌ركردا‌تییا پارتییا كاركه‌رێن كوردستانێ یێ ب ناڤێ مسته‌فا كاراسو ل رۆژا سێشه‌مبیێ 27/4/2021 د راگه‌هاندێن رێخستنێ دا دبێژیت: «ل ئیمرالى سیاسه‌تا قڕ كرن و ژناڤ برنا كوردان دهێته‌ كرن».

ئه‌ڤ گۆتنه‌ راسته‌، لێ نه‌ ل گۆر شرۆڤه‌كرنا كاراسوی، به‌لكو ل گۆر تێگه‌هێ ئیستخباراتی و ئه‌نجامێن ڤان 20 سالان كو ژلایی پارتییا كاركه‌رێن كوردستانێ ڤه‌ هاتینه‌ ئه‌نجام دان و ئه‌نجام دانا وان كریاران، راستیا گۆتنا كاراسوی دهێته‌ دیار كرن.

به‌رى عه‌بدوللا ئۆجا‌لان، سه‌رۆكێ پارتییا كاركه‌رێن كوردستانێ بهێته‌ ده‌سته‌سه‌ر كر، در‌ویشمێ وێ پارتیێ سه‌رخوه‌بوونا كوردستانێ بوو و پشتى هاتییه‌ ده‌سته‌سه‌ر كرن ئه‌ڤ درویشمه‌ هاته‌ گۆهارتن ب میلێ 180 پله‌ و بوو براتییا گه‌لان.

ئه‌ڤ گوهۆرینا ستراتیجى ژلایێ عه‌بدوللا ئۆجالان بوویه‌ ئه‌گه‌رێ قڕكرنا كوردان ل هه‌مى پارچه‌یان و نه‌خاسمه‌ ل باكور و رۆژهه‌لاتا كوردستانێ و نوكه‌ كارى دكه‌ن كو ل باشوور ژى ئه‌نجام بده‌ن.

گرنگترین كریارێن په‌كه‌كێ كو بووینه‌ ئه‌گه‌ر كورد به‌ره‌ڤ قڕكرنێ بچن:

ب هه‌لوه‌شاندنا بریارێن كۆنگره‌ی و چه‌سپاندنا بریارێن ژ ئیمرالیێ هاتین بوونه‌ ئه‌گه‌ر كو سه‌ركرداتییا په‌كه‌كێ دابه‌شبوو چه‌ند جه‌مسه‌ران:

واته‌ ئه‌نجام په‌كه‌كه‌ مایه‌ بێ سه‌كردایه‌تیێ و بووینه‌ یارییا شه‌ترنجێ و گه‌ریلا بووینه‌ قوربانیێن وێ شه‌ترنجێ و رۆژانه‌ گیانێ خۆ د به‌خشن كو دویر ژ ئارمانجێن وان ێن پیرۆز.