د شهش رۆژێن رابووری دا و ژ دهما دهستپێكرنا ئۆپهراسیۆنا زنارا كێسته یا تركیێ ل دژی رێخستنا پهكهكێ، خهتهرییا چوولبوونێ ل سهر 40 گوندێن دی یێن كانی ماسێ چێبوویه.
چاڤكانیێن پێگهها داركا مازی ل باشوورێ كوردستانێ ئهشكهره كر، ژ رۆژا ئهینییا رابووری و دهما دهستپێكرنا ئۆپهراسیۆنا زنارا كێسته، خهتهری كهتییه سهر 40 گوندێ دهڤهرا بهرواری بالا كو ب تهمامی ژ وهلاتییان بهێنه چوول كرن.
دهست نیشان كر، رێخستنا پهكهكێ نوقتهیێن چهكدارێن خوه ئێخستنه نێزیكی ڤان گوندان و ژ بهر ڤێ ئهگهرێ دهوام دهێنه بۆمبهباران كرن.
كانی ماسێ ناڤچهیهكا سنۆری یا باشوورێ كوردستانێ یه، ب دههان گوندێن مهزن و بچووك لێ ههنه، ب یێك ژ ناڤچهیێن ههری دهولهمهند ب چاندنێ دهێته حهساب كرن، لێ بهلێ ب ئهگهرا پهكهكێ پرانییا گوندێن وێ چوول بووینه و ئهڤ ناڤچه بوویه عهسكهری.