بەردەڤکەکێ ژ وەزارەتا دەرڤەیا ئامەریکایێ دەیڤید سچەنکەر، ژ “شارقول ئەوسەتێ” را راگھاندیە کو رێڤەبەریا سەرۆکێ ئامەریکا جۆ بایدن، ب چ رەنگا پەیوەندیێن نوو یێن دیپلۆماتیک د گەل رەژیما ئەسەد ئاڤا ناکەت و گاڤێن ژ بۆ ئاساییبوونا پەیوەندیان ناهاڤێژیت.
ل گۆری نووچەیێ بەردەڤکێ وەزارەتا ئامەریکایێ بال کشاندیە سەر زۆرداریێن 10 سالێن دوماهیێ یێن رەژیما سووریێ و ئاستەنگکرنا هاکاریێن مرۆڤی بۆ وەلاتیان.
ھەروەھا بال کشاندیە سەر کو ھەلوەستا ئامەریکایێ هەمان هەلوەستا سالا 2011ێ یە کو ل سووریێ ئالۆزی دەست پێ کری و گۆتی، “چ جاران دگەل رەژیما ئەسەد پەیوەندیێن دیپلۆماتیک ژ نوو ڤە ئاڤا ناکەت یان ژی پەیوەندیان پێشڤە نابەت.”
ل سەر پرسا ستراتەژیا رێڤەبەریا نوویا ئامەریکایێ بۆ دۆسیەیا سووریێ ژی دەیڤید سچەنکەر دیار کریە کو ھەلوەستا ئامەریکا دیارە و ئەو ژی پشتەڤانیا پێڤاژۆیا سیاسی یە کو ئەو پابەندی بریارێن نەتەوەیێن یەکبوویی و ھەڤکاریا لگەل ھەڤپەیمان و شریکێن خوە نە.
