وەزارەتا دەرڤە یا ئامەریکایێ ل سەر مالپەرا خوە راگھاند کو شاندەکێ پایەبلند، ل رۆژئاڤایێ کوردستانێ لگەل رایەدارێن ھێزێن سووریا دەمۆکراتیک (ھەسەدێ) جڤینەک ئەنجام دا.
د داخویانیا وەزارەتێ دا ھاتە ئاشکەراکرن؛ شاندەکێ پایەبلند کو ژ هاریکارێ وەزیرێ دەرڤەیێ ئامەریکایێ جۆ ھۆد، وەکیلێ نوونەرێ تایبەتێ سووریێ ئایمی جوترۆنا و بەرپرسا کارووبارێن سووریا و ئیراقێ یا ئەنجوومەنا ئاساییشا نەتەوی زەھرا بێل پێک دھات، ل رۆژئاڤایێ کوردستانێ لگەل بەرپرسێن ھێزێن سووریا دەمۆکراتیک (ھەسەدێ) جڤیا.
ھەروھا د داخویانیێ دا ھاتە دیارکرن کو شاندا ئامەریکی ل باژێرێ رەقایێ لگەل سەرۆکێن عەشیران ژی ھەڤدیتنەک ئەنجام دا.
هاریکارێ وەزیرێ دەرڤەیێ ئامەریکایێ جۆ ھۆد دیار کریە: “ل سەر ھەماھەنگی و ھەڤکاریا ئامەریکایێ یا د ھەڤپەیمانیا ناڤدەولەتی یا ل دژی داعشێ دا، بەردەوامیا ئیستقرارا ل باکورێ رۆژھلاتێ سووریێ و ژ بۆ کو داعش ب ئاوایەکی ماییندە تێک بچیت، ل دەڤەرێن رزگارکری، ئەم ل سەر رادەستکرنا ئالیکاریان ب بریارین.”
K24
