ل باژێرێ قامشلۆ یێ رۆژئاڤایێ کوردستانێ، ژ بەر زێدەکرنا بهایێ سۆتەمەنیێ ژ ئالیێ رێڤەبەریا خوەسەر ڤە، خەلکێ باژێری دەرکەتن قادان و ژ بۆ ڤەگەراندنا وێ بریارێ خوەپێشاندان ساز کرن.
رێڤەبەریا خوەسەر دوھی ب بریارەکێ بهایێ سۆتەمەنیێ بلند کر، ڤێ یەکێ ژی کارڤەدانێن نەرازیبوونێ یێن خەلکی ل دوو خوە ئانین و ئیرۆ ھەژمارەک ژ وەلاتیان دەرکەتن خوەپێشاندانێ و نەرازیبوونا خوە ل دژی وێ بریارێ نیشان دان.
خوەپێشاندەران بەرێ خوە دان شارەداریا قامشلۆ و داخوازن کر بریارا بلندکرنا بهایێ سۆتەمەنیێ بهێتە ھەلوەشاندن.
خوەپێشاندەر دبێژن، حەتا رێڤەبەریا خوەسەر ژ ڤێ بریارێ پووشمان نەبیت ئەو دێ خوەپیشاندانێن خوە بەردەوام بکەن.
هەر وەها خوەپێشاندەر دبێژن، پشتی مەھەکێ ژ بریارا قەدەغەیا گشتی یا هاتن و چوونێ ب سەدەما کۆرۆنایێنەبوونا کاری و تێکچوونا رەوشا ئابۆرییا خەلکی، رێڤەبەریا خوەسەر بهایێ سۆتەمەنیێ 4 قاتان زێدە کر. ئەڤ بریار نە د جھێ خوە دایە و دڤێت بهێتە ھەلوەشاندن، ئەگەر ئەڤ بریارە نەهێتە ھەلوەشاندن، دێ خەلکێ ل وەلاتی دا مای ژی، کۆچبەر بیت.
