دۆھ 17ێ گولانێ رەجەب تەییب ئەردۆگان د داخویانیەکا رۆژنامەڤانی دا راگهاندبوو کو فەرماندارێ پەکەکێ یێ ب ناڤێ نورەدین سۆفی، د ئۆپەراسیۆنەکا ئیستخبارات و ئارتێشا ترکیا دا ل باشوورێ کوردستانێ ھاتیە کوشتن.
ئیرۆ ژی پەکەکێ داخویانیەک بەلاڤکر و تێدا گۆتنێن ئاردۆگان و کوشتنا فەرماندارێ خوە ب دەستێ ترکیا رەدکر، ھەپەگێ د داخویانیا خوە دا راگھاند، چ راستیا وان نووچەیێن د ڤان دەمێن داوی دا ل سەر ھێزێن وان و فەرماندارێن وان تێنە بەلاڤکرن نیە.
د داخویانیا ناڤەندا راگھاندن و چاپەمەنیێیا ھێزێن پاراستنا گەل (ھەپەگێ) دا، داخویانیا ئەردۆگانا دەربارێ کوشتنا نورەدین سۆفی هاتە رەدکرن و هاتە گۆتن، ل ھەمبەر تێکۆشینا وان “ب رێ و رێبازێن شەرێ تایبەت سیناریۆیان ل گۆری خوە چێدکەت و ھەول ددەت سەرکەفتنێن ساختە ژ بۆ خوە چێبکەت.”
