سەرۆکێ ئامەرکایێ بایدن ل گەل سەرۆک وەزیرێ ئیسرائیلێ نەتەنیاھو پەیوەندیەکا تەلەفۆنێی ئەنجام دا و دا خویاکرن کو، ئەو پشتگریا خوە ژ بۆ ئاگربەستەکێ ددەتە نیشاندان.
قەسرا سپی د دەربارێ پەیوەندیا تەلەفۆنی یا بایدن و نەتەنیاھو دا داخویانیەک وەشاند. د داخویانیێ دا دبێژیت کو، ل ھمبەر ئێریشێن ب رۆکەتان مافێ ئیسرائیلێ یە کو خوە بپارێزیت. ھەروەھا بایدن ژداخواز ژ ئیسرائیلێ کریە کو، ژ بۆ پاراستنا خەلکێ سڤیل پیدڤیە گەلەک ب هەستیاری کار بکەت و تشتا ژ دەستێ وان بهێت ئەنجام بدەن.
قەسرا سپی دبێژیت کو، ئۆپەراسیۆنێن ئیسرائیلێ ل ھەمبەر حەماسێ و رێخستنێن دی، ژ لایێ بایدن و نەتەنیاھو ڤە ھاتنە نرخاندن و سەرۆک بایدن دا خویاکرن کو ئەو پشتگریا ئاگربەستەکێ دکەت.
د دەما پەیوەندیا تێلەفۆنێ دا، سەرۆکێ ویلایەتێن یەکگرتی ھەر وەھا ئاماژە ب ھەولدانێن حکوومەتا خوە ب ریا ئاخافتنێن دگەل کاربدەستێن مسری و ھەڤکارێن دی یێن ئامەریکی ژ بۆ گھیشتنا ئاگربەستا د ناڤبەرا ڤان دو ئالیان دا کر.
د راپۆرا قەسرا سپی یا ل سەر ناڤەرۆکا پەیوەندیا تەلەفۆنی یا د ناڤبەرا بایدن-نەتانیاھو دا، ھاتە گۆتن کو سەرۆکێ ویلایەتێن یەکبوویی داخواز ژ حکوومەتا ئیسرائیلێ کر کو ژ بۆ پاراستنا جانێ سڤیلان د دەما پەڤچوونا د گەل فلستینیان دا ھەر ھەول بدەت.
