رێخستنا په‌كه‌كێ ئیرۆ مرنا دوو چه‌كدارێن خوه راگهاند، یێك ژێ هێژان د ته‌مه‌نا زارۆكتیێ ده یه، ئه‌ڤ رێخستنا كو زارۆكێن كوردان وه‌كه فیشه‌كا ل به‌ر تڤه‌نگا خوه دبینه، ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا جوان و زارۆكێن كوردان دكه.
هه‌په‌گێ باسكێ له‌شكری یێ په‌كه‌كێ، ئیرۆ رۆژا چارشه‌می 19/5/2021ان، نووچه‌یا جان دانا دوو گه‌ریلایان راگهاند كو ل سالا رابووری د ئێریشێن ده‌وله‌تا تركیێ ده ل باشوورێ كوردستانێ هاتنه هه‌ده‌ف كرن، ته‌ڤی كو ساله‌ك ل سه‌ر بوویه‌رێ ده‌رباسبوویه، لێ به‌لێ ژ نووڤه هاتییه د بێژه ئه‌م وان ب رێزداری ل بیر تینین.
هه‌ردوو گه‌ریلایێن ب ناڤێ دیده‌م ده‌میر و شىنۆل تاشتان تێن ناس كرن، دیده‌م كو ب كۆد ناڤێ سۆزداره، هێژان د ته‌مه‌نا سنێله‌یێ و زارۆكتییا خوه ده‌یه.
رێخستنا په‌كه‌كێ وه‌كه هه‌رتم ناڤ و ئاگاهیێن تام ل سه‌ر وان گه‌ریلایان ئه‌شكه‌ره كرنه، لێ به‌لێ تو تشته‌ك ل ده‌ربارێ ته‌مه‌نا وان نه‌گۆ، ژ بۆ كو ته‌وانا ره‌ڤاندنا زارۆكان ل سه‌ر ته‌سبیت نه‌به.
هێژای گۆتنێ یه، یێ كو مه‌دیا په‌كه‌كێ دشۆپینه ب ته‌یبه‌ت ئاژانسا ئانفێ فرات نیۆسی و ل به‌شا ئارشیفا نووچه‌یان، وێ ب زه‌لالی خوه‌یا به كانێ په‌كه‌كه چه‌ند جوان و زارۆكێن كوردان ب ده‌ستێ عه‌سكه‌رێ ترك و ل پێناڤێ ده‌مۆكراتیك كرنا تركیێ ب كوشتن دانه، د ئانفێ ده، هه‌ر د ناڤبه‌را دوو رۆژ هه‌یا سێ رۆژان ده، وێنه و داخویانیێن هه‌په‌گێ یێن جان دانا گه‌ریلایان تێن دیتن.
