باله‌فرێن جه‌نگێ رۆكه‌ت ل ئاڤاشین باراندن

باله‌فرێن ده‌وله‌تا تركیێ ئیرۆ جاره‌كه‌ دن ب سه‌ده‌ما په‌كه‌كێ ئێریشا باشوورێ كوردستانێ كر، هه‌ژماره‌كا رۆكه‌تان ل ئاڤاشین و باسیان باراندن.

وه‌زاره‌تا به‌ره‌ڤانیێ یا تركیێ ئیرۆ رۆژا چارشه‌می 19/5/2021ان داخویانی دا و ئه‌شكه‌ره‌ كر، باله‌فرێن جه‌نگێ لڤ و ته‌ڤگه‌رێن په‌كه‌كێ ل ناڤچه‌یێن ئاڤاشین و باسیان یێن باشوورێ كوردستانێ هه‌ده‌ف كرن.

ده‌ست نیشان كر، د ئێریشان ده‌ 3 چه‌كدارێن رێخستنێ هاتنه‌ ئارمانج گرتن.

ل گۆری داخویانییا وه‌زاره‌تا به‌ره‌ڤانیێ یا تركیێ، هه‌ژمارا چه‌كدارێن په‌كه‌كێ كو هه‌یا رۆژا مه‌ یا ئیرۆ د ئۆپه‌راسیۆنا برووسك ده‌ ل باشوورێ كوردستانێ هاتنه‌ ئارمانج گرتن، گهیشت، 116 چه‌كداران.