ل ئه‌مەریکایێ، ئەفسەرەکی پێشمەرگەی ل سەر ئاستا ئیراق و ھەرێما کوردستانێ، بەشداری دوو خولێن سەربازی یێن گرینگ بوو و باوەرنامەیا «زمانێ سەربازی» و باوەرنامەیا «سەرکراتییا گه‌ھاندنا سەربازی» ب دەست ئێخستن، دا کو د ناڤ ھێزێن پێشمەرگە دا خزمەتا پێشمەرگەیان و کوردستانێ بکەت.
وەزارەتا پێشمەرگەی ب داخویانیەکێ دیار کر، د چارچۆڤەیا پلانا مەشق و پەروەردەکرنا پێشمەرگەی ژ ئالیێ ھێزێن ھەڤپەیمان ڤە ژ بۆ نەھیشتنا تەرۆرێ، ئەفسەرەکی پێشمەرگەی ب ناڤێ «ئەیووب حه‌مه‌د ئەمین» د بەشا گه‌ھاندنێ دا ھات دەست نیشان کرن، دا کو بەشداری خولێن گه‌ھاندن و فەرماندارییا سەربازی ل ئه‌مەریکا ببیت کو 8 مەھان ڤه‌كێشا.
وەزارەتێ پێشمەرگە ئەشکەرە کر، پشتی خەلاسبوونا خولێن ناڤبووری، وی ئەفسەرێ پێشمەرگە باوەرنامەیا «زمانێ سەربازی و باوەرنامەیا سەرکرداتییا گه‌ھاندنا سەربازی» ب دەست ئێخستن، دا کو د ناڤ ھێزێن پێشمەرگە دا خزمەتا پێشمەرگەیان و کوردستانێ بکەت.
ھەروه‌ھا وی ئەفسەرێ کورد دا خویاکرن، د وان ھەردوو خولێن گرنگ دا ل ئیراق و ھەرێما کوردستانێ، تەنێ ئەو بەشدار بوویە، ژ بلی وی گەلەک ئەفسەرێن ناتۆ و ئه‌مەریکی بەشدار ببوون.
