پارتییا ده‌مۆكراتا كوردستانا ئیرانێ د راگهاندنه‌كێ دا ئه‌شكه‌ره كر، دوو پێشمه‌رگه‌هێن وان ب ناڤێ «سمكۆ و سوهراب» د په‌ڤچوونێ ل گه‌ل سپایێ پاسداران ده شه‌هید كه‌تنه.
پارتییا ده‌مۆكراتا كوردستانا ئیرانێ ئه‌شكه‌ره كر، دوو پێشمه‌رگه‌هێن وان ب ناڤێ ئه‌نوه‌ر نه‌سیری ب كۆد ناڤێ سمكۆ مه‌حمه‌ل و سوهراب خه‌دیری د په‌ڤچوونه‌كێ ل گه‌ل سپایێ پاسداران یێ ره‌ژیما ئیرانێ جانێ خوه ژده‌ست دانه.
ل گۆری رێخستنا هه‌نگاو یا مافێن مرۆڤان یا رۆژهلاتا كوردستانێ، ئه‌ڤ په‌ڤچوون ل شه‌ڤا 19 گولانێ ل نێڤبه‌را باژارێن مه‌هاباد و بۆكانێ ل نێزی گوندێ قه‌ره‌بلاغێ پێكهاتییه.
پارتییا ده‌مۆكراتا كوردستانا ئیرانێ د راگهاندنێ ده، به‌حسا كوشتنا هه‌ژماره‌كه چه‌كدارێن سپایێ پاسداران ل جیهێ په‌ڤچوونێ كرنه.
