په‌كه‌كێ به‌رێ ده‌هان لاوێن هه‌ده‌پێ دا زیندانێ

ده‌وله‌تا تركیێ ئیرۆ ئۆپه‌راسیۆنه‌كه‌ به‌فه‌ره‌هـ ل دژی ئه‌ندام و ئالیگرێن په‌كه‌كێ ل باكورێ كوردستانێ و تركیێ ده‌ست پێ كر، 49 شكبار هاتن گرتن.

ل سه‌ر فه‌رمانا دۆزگه‌رییا گشتی یا ده‌وله‌تا تركیێ، ئیرۆ رۆژا دووشه‌می 24/5/2021ان، هێزێن ئه‌وله‌هیێ ده‌ست ب ئۆپه‌راسیۆنه‌كێ ل هه‌ر یێك ژ ئامه‌دێ، دێرسمێ، شرنه‌خێ و ئه‌ده‌نه‌ كرن، 49 شكبار ب جینایه‌تا ئه‌ندامبوونا په‌كه‌كێ ده‌سته‌سه‌ر كرن.

ژ كۆما شكباران، 19 ژێ ل ئامه‌دێ، 20 ل شرنه‌خێ، دێرسمێ و ئه‌ده‌نه‌ بوون.

جینایه‌تێن كو ئه‌ڤ كه‌س پێ هاتنه‌ گرتن، ئه‌ندامبوونا په‌كه‌كێ و ب كار ئانینا لاوێن هه‌ده‌پێ یه‌ د چالاكیێن په‌كه‌كێ ده‌.

ل گۆری دۆزگه‌رییا تركیێ، هه‌ژماره‌كه‌ به‌رپرسێن به‌رێ یێن هه‌ده‌پێ د ناڤا گرتییان ده‌ هه‌نه‌.