ده‌وله‌تا تركیێ كۆچبه‌رێن پارێزگه‌ها قونه‌یته‌ره ڤه‌گوهاستن عه‌فرینێ و د یه‌كه‌م جار ده، مالباتێن 150 كۆچبه‌ر كو هه‌ر هه‌موو مالباتێن میلیشیایێن توندره‌ن، ل وێ هه‌رێما رۆژئاڤایێ كوردستانێ ب جی كرن.
ل گۆری پێگه‌ها عه‌فرین پۆست، ل 21ێ گولانا 2021ێ رژێما سووری ب پەیمانا ل گەل رووسپیێن گوندێ ئوم باتنە، 30 توندرەو ل گه‌ل مالباتێن وان كو دەردۆرا 150 کەسانه، د بن سه‌یوانا رووسیا دا بەر ب ھەرێمێن ترکیێ یێن داگیرکری کۆچبەر کرن.
هه‌ر چه‌ند کو كۆمێن چه‌كدارێن گرێدایی ترکیێ ل باکورێ سووریێ رازی نەبوون وان کۆچبەرێن قونەیترایێ پێشوازی بکن، ترکیێ ئەو ب رێیا دەرگەھا خەزاویێ یێ گوندەوارێ عه‌فرینێ، دەرباسی ھەرێمێن ل ژێر ده‌ستێ گرووپا «ته‌حریر ئەل-شام» ل ئدلبێ کر، لێ بەلێ ل گۆر نووچەیا عه‌فرین پۆستێ، ھەژمارەک ژ مالباتان ل باژارێ عه‌فرینێ ھات ب جی کرن.
ھەروه‌ھا ھاتییە دەست نیشان کرن، یێ ب ناڤێ «بشارا» و مالباتا وی ژ پارێزگەھا قونەیترا نە و ئەو ل مالا کۆچبەرەکی کورد ل تاخا ئەشرەفیێ و ب تایبەت ل دۆرھێلا بارەگەھا ترکیێ ل تاخا «فیل» ل ھەرێما میلیشیایێن «ئەحرار ئەل-شام»، ب جی کرن.
ھەری داوی ھاتییە ئەشکەرە کرن، بەشەک ژ کۆچبەرێن قونەیترایێ دێ ل گوندێ باسووفان و شادێرێ یێن ئێزیدی هێنه ب جی کرن.
