دەستەسرکرنا گەنجێن رۆژهلاتێ کوردستانێ بەردەوامە

وەلاتیەکی کورد ل باژێرێ مەریوان یێ رۆژهلاتێ کوردستانێ ژ لایێ هێزێن رەژێما ئیسلامی یا ئیرانێ ڤە هاتە دەستەسەرکرن.

ناڤەندێن مافێن مرۆڤ ل رۆژهلاتێ کوردستانێ راپۆرتەک بەلاڤ کر و ل گۆر ڤێ راپۆرتێ، رۆژا یەکشەمبی 23/5/2021ێ، وەلاتیەک ب ناڤێ لوقمان نیکزاد، 25 سالی، خەلکێ گوندێ سەردۆش یێ سەر ب مەریوانێ ڤە ل سنۆرێ پارێزگەها سنە، پشتی کو ژ لایێ سازیا ئیستیخباراتا رەژێمێ ل ڤی باژاری هاتیە بانگ کرن پشترا هاتیە دەستەسەرکرن.

لوقمان نیکزاد رۆژا بەرێ ب تەلەفۆنێ هاتیە بانگ کرن و ب تاوانا هاریکاری کرنا یەک ژ حیزبێن کوردستانی یێن رۆژهلات هاتیە دەستەسەرکرن.

پشتی بوورینا سێ رۆژان ل سەر دەستەسەرکرنا ڤی وەلاتیێ کورد، چارەنووسا وی حەتا نها نەدیارە.