12 رێخستنێن مافێن مرۆڤان یێن ل رۆژئاڤایێ کوردستانێ، بەردەوامییا گوھەرتنا دەمۆگرافییا عه‌فرینێ شەرمەزار کرن و داخوازێ ژ جڤاکا ناڤدەولەتی کرن کو بنپێکرنان راوەستینن، ل گۆر داخویانیا ھاتیە بەلاڤکرن، ترکیە کۆچبەرێن سووریێ، مالباتێن فه‌له‌ستینی و ترکێن ئویگورێ ل عه‌فرینێ بجھ دکەت.
ئەو 12 رێخستنێن مافێن مرۆڤان د داخویانیەکا ھەڤبەش دا راگه‌ھاندن کو ترکیێ و چەکدارێن گرێدایی وێ، بەردەوام دەمۆگرافییا عه‌فرینێ دگوھەرن و بنپێکرنان ل ھەمبەری خەلکێ وێ دەڤەرێ دکه‌ن و شوونواران ددزن.
ھەر ل گۆر وێ داخویانیێ ئارتێشا ترکیێ و چەکدارێن ئۆپۆزسیۆنێ، ب رێیا کۆمەلەیێن خێرخوازیێ، ژ بۆ کۆچبەرێن سووریێ و مالباتێن فه‌له‌ستینی و تورکمەنێن ئویگور یێن چینی بۆ کو لێ بجھ ببن یەکەیێن ئاكنجیبوونێ ئاڤا دکه‌ن.
رێخستنێن مافێن مرۆڤان ئەو کریار شەرمەزار کرن و ھشیاری ل سەر دەرخستنا فتنەیێ د ناڤبەرا کورد و ئەرەبان ژی دا دان.
رێخستنێن مافێن مرۆڤان داخواز ژ جڤاکا ناڤدەولەتی کرن کو دەستوەردانێ بکەت و بنپێکرنان راوەستینیت و داویێ ل داگیرکەرییا ترکیێ بینن.
