بەشەکێ دارستانێن پارێزگەها کرمانشا ل رۆژهلاتێ کوردستانێ دەما شەش رۆژانە د ئاگری دز دسۆژن و ژینگەپارێزێن رۆژهلات د وێ باوەرێ دا نە کو وەکو سالێن دەرباسبوویی ئەڤ ئاگرە ژ لایێ هێزێن رەژێما ئیرانێ ڤە ب وان دارستانان هاتیە بەردان.
شۆتنا دارستانێن “سەلاس باوەجانی” یێن سەر ب پارێزگەها کرماشانێ ل رۆژهلاتێ کوردستانێ ل بلنداهیێن “دری” د ناڤبەرا گوندێن “کێسەلە” ل رۆژا یەکشەمی 23/5/2021ێ دەست پێ کریە.
ئەڤ ئاگرە حەتا نها بەردەوامە و بەر ب گوندێ “گوریشە” ڤە دچیت.
ئەڤ ئاگرە ژ لایێ ژینگەپارێزێن کورد کو ژ 27ێ ڤێ مەهێ ل وێرێ دەست ب ڤەمراندنا ئاگری کرینە دهێتە ڤەمراندن، گەلێ ناڤچەیێ ژ بۆ مەدیایێن رۆژهلات دیار کریە کو حەتا نها رەژێما ئیرانێ چ هاریکاریەکا وان ژ بۆی ڤەمراندنا ئاگری نەکریە.
ب سەداما کو ئەڤ ناڤچەیە دەڤەرەکا چیایی و زەحمەتە ژ بۆی ڤەمراندنا ئاگری بالافرێن تایبەت پێویستن، لێ حەتا نها لایەنێن پەیوەندیدار خوە ژ هنارتنا بالافران دوور گرتیە.
