رێڤەبەرێ ناڤەندا ئاڤ و سۆلینێن پارێزگەها سنە یا رۆژهلاتێ کوردستانێ راگهاند، زێدەتر ژ 300 گوندێن ڤێ پارێزگەهێ رووبروویێ مەترسیا کێمیا ئاڤا ڤەخوارنێ بوونە، ب ئاوایەکی کو د نها دە ئاڤا ڤەخوارنا 104 گوندێن سەر ب ڤێ پارێزگەهێ ب تانکان تێ دابینکرن.
ل گۆر راپۆرا ناڤەندا کەشناسیا سنە، ئیسال هەیا مەها 291 ملیلەتر باران ل ڤێ پارێزگەهێ باریە کو ب هەڤبەرکرن ب سالا رابووری 44% کێمترە، کێمبوونا ئاڤێ ژ بۆی کێم بارینا بارانێ ڤەدگەرە.
ل گۆر گۆتنا بەرپرسێن پارێزگەها سنە، کێمیا ئاڤێ نیزی 5 هەزار و 410 ملیار تومەن زرار گهاندیە چاندنیا ڤێ پارێزگەهێ.
ئەڤ د دەمەکیدایە کو پارێزگەها سنە 3 قاسی پێدڤیا خوە چاڤکانیێن ئاڤێ هەنە، لێ بەلێ ژ هێلا رەژێما ئیرانێ ڤە تێن تالانکرن و ژ بۆی پارێزگەهێن دن تێ ڤەگوهاستن.
