مەدیایا پەکەکێ دیسا درەو پارڤەکرن

مەدیایا پەکەکێ دیسا درەو پارڤەکرن

ئۆپەراسیۆنا دەولەتا ترکیا ل سەر ناڤچەیێن مەتینا، ئاڤاشین دەستپێکری بەردەوامە. مخابن ژ بەر کو پەکەکە ھەر رۆژ جھێ خوە بەرددە، چیایێن کوردستانێ یێن ب ھەیبەت یەک ل پەی یەک دکەڤنە بن داگیرکەریا دەولەتا ترکیا.  لێ بەلێ داکو پەکەکە راستیێن شەری ڤەشێریت گەلەک نووچەیێن نە راست بەلاڤ دکەت. تایبەت ژی نووچەیێن ل سەر سۆسیال مەدیایێ بەلاڤ دکن و رۆژەڤا خەلکی یا سەرەکی دگوھەرینیت.

جار ب جار کەسێن سەر ب پەکەکێ ھندەک وێنەیان بەلاڤ دکن کو ئەڤ وێنە یان ژی ڤیدیۆ یا 5-6 سالا بەرێ یە و چ ئەساس ژ بۆی ڤان نووچە و وێنەیان نینە. یەک ژ ڤان وێنە و نووچەیان ژی ئیرۆ ل سۆسیال مەدیایێ ھات بەلاڤ کرن. رۆژنامەڤانێ پەکەکێ یێ پلە بلند مەھمەت دەرڤەش وێنەیەک بەلاڤ کر. ل ڤی وێنەی دە لەشکەرێن ترکیێ جەرەکی تاریخی رادکن. مەھمەت دەرویش ئەڤ وێنە بەلاڤ کر و گۆت ” ل بەر چاڤێن پەدەکێ جھێ کو د بن کۆنترۆلا پەدەکێ دایە عەسکەرێن ترک تشتێ کوردان تالان دکن”.  مەھمەد دەرڤیش رۆژنامەڤانەکێ ناڤدارێ پەکەکێ یە. ئەو ل سالا 1994ێ پێڤە د راگھاندنا پەکەکێ دا کار دکەت. ھندەک کەسێن نێزی پەکەکێ ژی ئەڤ پۆستێ مەھمەت دەرڤیش پاارڤەکر. لێ بەلێ پشترا دەرکەت کو ئەڤ پۆستە و نووچەیە نە راستە.

ئەڤ دیمەنێ مەھمەت دەرڤیش پارڤە کری و گۆتی ڤان رۆژێن داوییێ ل باشوورێ کوردستانێ چێبوویە، دەرکەت کو ھەیڤا یەک یا سالا 2018ێ ل دێرسمێ  روو دایە. دەما عەسکەرێن ترکیا ل ل دێرسما باکورێ کوردستانێ ئۆپەراسیۆنەک ل ناڤچەیا پەرتەکە لدار خستی، ڤی جەرێ مەزن دبینن و دبەن.

ھەر وەھا ئالیگرێن پەکەکێ ل باشوورێ کوردستانێ وێنەیێن فەرھاد ئەنجوو کو د گەل ھندەک لەشکەرێن ترکیێ دا دپەیڤیت پارڤە کرن و ئیدیعا کرن کو ئەڤ وێنە ل باشوورێ کوردستانێ ھاتنە کشاندن، لێ بەلێ یا راست وێنە یێن سالا 215ێ نە و چ پەیوەندی ب دار بڕینا ئیسال یا لەشکرێن ترکیا ل باشوورێ کوردستانێ نینە.

یانی نووچە و پۆستێ پەکەکێ چ بنگەھ ژێرە نینە. راگھاندنا پەکەکێ ڤان رۆژێن داویێ کارێن خوە یێن نووچەیێن درەو ب ڤی ئاوایی زێدە کرنە.

ژ بۆ کو هەر کەسەک ڤان درەوێن پەکەکێ ب چاڤێن خوە ببینیت، ئەم دێ ل خوارێ لینکێن هندەک سایتان دانین کو تێدا ل سالا 2018ێ ئەڤ وێنە پارڤەکرینە و ب دەهان نووچە ل سەر چێکرینە.

https://tinyurl.com/puhtxrff
https://tinyurl.com/yv9y227z
https://tinyurl.com/se2fbd6
https://tinyurl.com/4r2ncw29
https://tinyurl.com/9yt4xx4w
https://tinyurl.com/2mrnucw8

پوستێن ھەمان بەش