ل حەسەکێ تەقینەک چێبوو

ل باژارێ حەسەکێ یێ رۆژئاڤایێ کوردستانێ د ئەنجاما تەقینەکێ دا کەسەک ھاتە کوشتن و دو کەسێن دی ژی بریندار بوون.

لگۆر زانیاریێن K24ێ، ئیرۆ دانێ سبێ مۆتۆرسیکلەتەکا بۆمبەکری ل نێزیکی رێبەندا خەزل یا ھێزێن ئەولەکاریا ماڤخوە (ئاسایش) ل رۆژھلاتێ حەسەکێ تەقیا.

ھەروھا ل گۆر نووچەیا K24ێ د ئەنجاما وێ تەقینێ دا کەسەکێ سڤیل ھاتە کوشتن و 2 سڤیل ژی بریندار بوون، یەک ژ وان زارۆکە و ھێزێن ئەولەکاریا ناڤخوەیی جھێ تەقینێ دۆرپێچ کر و دەست ب لێکۆلینێ کر.