به‌رپرسه‌كێ په‌كه‌كێ ب ناڤێ «سه‌لاحه‌ددین ده‌ده»‌ هات كوشتن

به‌رپرسه‌كێ په‌كه‌كێ ب ناڤێ «سه‌لاحه‌ددین ده‌ده»‌، كه‌ت به‌ر ئێریشه‌كا ئارتێشا تركیێ، ئه‌و ل گه‌ل 3 چه‌كدارێن رێخستنێ هاتن كوشتن.

ئاژانسا ئه‌نادۆلێ یا ده‌وله‌تا تركیێ به‌لاڤ كرییه‌ كو به‌رپرسێ په‌كه‌كێ یێ ب ناڤێ سه‌لاحه‌ددین ده‌ده‌ و ب كۆد ناڤێ زاگرۆس، د ئێریشه‌كه‌ میتێ ده‌ ل ناڤا خاكا ئیراقێ هاتییه‌ كوشتن، د ئێریشێ ده‌، 3 چه‌كدارێن رێخستنێ ژی هاتنه‌ كوشتن.

ده‌ست نیشان كر، وان ته‌عقیبا زاگرۆس كرییه‌ وه‌ختا ل 19ی مه‌ها رابووری ژ سووریێ ده‌رباسی ئیراقێ بووی كو چه‌ك و ته‌قه‌مه‌نی ژ بۆی رێخستنا په‌كه‌كێ ده‌رباس دكر.

پشتره‌ ئێریش ل سه‌ر هات كرن، ئه‌و ل گه‌ل 3 چه‌كدارێن په‌كه‌كێ ل ناڤا خاكا ئیراقێ هاتن ئارمانج گرتن.

ل گۆری ئاژانسا ئه‌نادۆلێ، زاگرۆس د لیستا گه‌ور یا كه‌سێن داخواز كری یا ده‌وله‌تا تركیێ ده‌ جی دگرت.