ل پارێزگەھا بەدلیسێ یا باکورێ کوردستانێ دەما دو رۆژانە د ناڤبەرا گەریلایێن پەکەکێ و ئارتێشا ترکیا دا شەر و پەڤچوون بەردەوامن. ئیرۆ د ئەنجاما شەری دا جەردەڤانەک ھاتە کوشتن و 2 لەشکەر ژی بریندار بوون. دوھی ژی جەردەڤانەک و لەشکەرەک ھاتبوونە کوشتن و 4 لەشکەر بریندار بووبوون.
ل ھەرێما ئوورانس (ئانادەرە)یا سەر ب تەتوانێ ڤە ل پارێزگەھا بەدلیسێ دەما دو رۆژانە د ناڤبەرا گەریلایێن پەکەکێ و ئارتێشا ترکیێ دا شەر و پەڤچوونێن دژوار روو ددەن.
پشتی وان شەر و پەڤچوونان ئارتێشا ترکیا ئۆپەراسیۆنا ل ھەرێمێ بەرفرەھ کربوو، ھەژمارەکا زێدەیا لەشکەر و جەردەڤانان بۆ دەڤەرێ ڤەگوھاستبوون و ل 10 گوندێن وێ ھەرێمێ قەدەغەیا دەرکەتنا دەرڤە راگھاندبوو.
ل گۆر زانیاریان ئیرۆ ژی د ناڤبەرا گەریلایێن پککێ و لەشکەرێن ترکیێ دە شەر دەرکەتیە. د ئەنجاما ڤی شەری دا جەردەڤانێ ب ناڤێ جاھید چەلیک ھاتە کوشتن و دو لەشکەر ژی بریندار بوون.
پشتی ڤی شەری و کوشتنا لەشکەرەکێ ترکیا ل گوندێ ئانادەرە یێ سەر ب ناڤچەیا تەتوانا پارێزگەھا بەدلیسا باکورێ کوردستانێ، ل 10 گوندێن وێ ناڤچەیێ بۆ دەمەک نەدیار قەدەغەیا ھاتنووچوونێ ھاتیە راگھاندن. ل گۆر داخویانیا پارێزگاریا بەدلیسێ قەدەغێ د 2یێ خزیرانێ دەمژمێر 22:00 یێ دا دەستپێکر.
