بالەفرێن ترکیێ کامپا مەخموورێ بۆردۆمان کر

بالەفرێن جەنگ یێن دەولەتا ترکیێ ئیرۆ ئێریشی کامپا مەخموورێ کرن و ب سەدەما بۆردۆمانا بالافران چەند چەکدارەکێن پەکەکێ هاتنە کوشتن و هەژمارەک دی ژی برینداربوون.

ئیرۆ رۆژا شەمبی 5/6/2021ێ، بالەفرێن جەنگی یێن دەولەتا ترکیێ، بەری نیڤرۆ ئێریشی بارەگەهەکێ چەکدارێن پەکەکێ ل دەردۆرا کامپا مەخموور کر و ب سەدەما ڤێ ئێریشێ 3 چەکدارێن پەکەکێ هاتنە کوشتن و چەند چەکدارێن دی ژی بریندار بوون.

ئەڤ ئێریشا ترکیێ د دەمەکی دا یە کو پێش نها رەجەب تەییب ئەردۆگان، گەف کربوون کو ب سەدەما هەبوونا پەکەکێ د ڤێ کامپێ دا، ترکیا دێ ئێریشی کامپا مەخموورێ کەت، ئاردۆگان راگهاندبوو “مەخموور وەکە قەندیلێ بوویە ستارگەهەک ژ بۆی پاراستنا چەکدارێن پەکەکێ، ژ بەر ڤێ یەکێ ئەم دێ مەخموورێ ئارمانج کەین.”