ئێریشێن دەولەتا ترکیێ بۆ سەر ستارگەهێن پەکەکێ د ناڤا خاکا باشوورێ کوردستانێ د بەردەوامن، ئیرۆ ژی ب رێیا ئاسمانی چەندین دەڤەرێن باشوور هاتنە بۆردۆمانکرن.
ئیرۆ رۆژا شەمبی 5/6/2021ێ، بالافرێن ترکیێ ل چەندین ناڤچەیێن کوردستانێ بارەگەهێن پەکەکێ هەدف کرن و هەژمارەک چەکدارێن ڤێ رێخستنێ کوشتن.
چاڤکانیێن پێگەها دارکا مازی ل باشوورێ کوردستانێ راگهاند، بالافرێن جەنگ یێن دەولەتا ترکیێ ئیرۆژی بارەگەهێن پەکەکێ ل هەر یەک ژ چیایێ کورەژار ل هنداڤی شێلادزێ، گوندێ سەرگەلێ یێ سەر ب دەڤەرا نهێلێ ل قونتارا چیایێ مەتینا و دەردۆرا مەخموورێ هەدەف کرن.
تەڤی ئێریشێن بەردەوام یێن دەولەتا داگیرکەر ل سەر ستارگەهێن چەکدارێن رێخستنێ، لێ ل شوونا بەرسڤدانا دەولەتا ترک، چەکدارێن پەکەکێ ئێریشی پێشمەرگەیێن کوردستانێ دکەن و ئیرۆ ژی ل شوونا کوشتنا لەشکەرێن ترکیێ، 5 پێشمەرگەیێن کوردستانێ شەهید خستن و 6 پێشمەرەگیێن دن ژی بریندار کرن.
