چه‌كدارێن رێخستنا په‌كه‌كێ یێن كو ئیرۆ ب ته‌رزێ ته‌رۆرا داعشێ ئێریشا هێزه‌كا پێشمه‌رگه‌هێن زێره‌ڤانیێ كری، هاتنه كوشتن.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا شه‌می 5/6/2021ان، چه‌كدارێن رێخستنا په‌كه‌كێ ل چیایێ مه‌تینایێ ئێریشا پێشمه‌رگه‌هان كر، د ئێریشێ ده، 5 پێشمه‌رگه شه‌هید و 6ێن دن ژی بریندار كه‌تن.
پاش ئێریشێ، هێزا پێشمه‌رگه‌ها د هه‌ولا به‌ره‌ڤانی كرنێ ده، ئه‌و 3 چه‌كدارێن په‌كه‌كێ یێن كو رۆكه‌ت ل پێشمه‌رگه‌هان خستی، كوشتن.
هێژای گۆتنێ یه، رێخستنا په‌كه‌كێ ب رۆكه‌تا ب ناڤێ كۆڕنێت یا دژه تانك، ئێریشا پێشمه‌رگه‌هان كربوو، ئه‌ڤ رۆكه‌ت ئامه‌ریكایێ ب هێزێن سووریایا ده‌مۆكراتیك هه‌سه‌دێ دانه ژ بۆی كو ل ته‌رۆریستێن داعشێ بخن، لێ به‌لێ په‌كه‌كه ئیرۆ وان رۆكه‌تان ل دژی پێشمه‌رگه‌هێن باشوورێ وه‌لات د ته‌قینه.
