ئیرۆ پێش نیڤرۆژێ بالافرێن درۆن یێن ترکیێ ئێریشی کامپا مەخموورێ کرن و د ئەنجام دا 3 کەس کو دو ژ وان بەرپرسێن پەکەکێ بوون هاتنە کوشتن.
چاڤکانیێن پێگەها دارکا مازی ل باشوورێ کوردستانێ زانیاریێن هەری نوو ل سەر ئێریشا بالافرێن ترکیێ ل سەر کامپا ماخموور ئەشکەرە کرن و راگهاند، ئیریش ل سەر ئاڤاهیێ رێڤەبەریا کامپێ هاتیە کرن و د ئەنجام دا رێڤەبەرێ گشتی یێ کامپێ و بەرپرسەک دن یێ پەکەکێ و زێرەڤانەک وی هاتنە کوشتن.
چاڤکانیێن پێگەها دارکا مازی هەر وەها ئەشکەرە کرن، «د. حسین» کو بەرپرسێ گشتی یێ کامپێ یە و هەڤال «سالح» کو یەک ژ بەرپرسێن چەکدارێن پەکەکێ یە د ناڤا ئاڤاهیێ رێڤەبەریا کامپێ هاتنە کوشتن، هەر وەها چەکدارەک دن ژی هاتیە کوشتن و هەژمارەک کەس ژی بریندار بوونە.
