پارتیا ئازادیا کوردستانێ PAK ئێریشا په‌كه‌كێ یا ل ناڤچەیا ئامێدیێ ل سەر ھێزێن پێشمەرگە شەرمەزار کر و راگھاند: دەولەتا ترکیێ په‌كه‌كێ ژ خوە رە دکە بەھانە و بەشەکە ئەردێ باشوورێ کوردستانێ داگیر کریە، په‌كه‌كه ژی رێ ژ بۆ ڤێ داگیركه‌ریێ خوه‌ش دكه.
پاکێ د داخویانیەکێ دە ئێریشا دوھـ ئا گەریلایێن په‌كه‌كێ ل سەر ھێزێن پێشمەرگە ل سینۆرێ پارێزگەھا دھۆکێ شەرمەزار کر و سەرساخی ژ مالباتێن شەھیدان و ژ گەلێ کورد رە خوەست و ژ پێشمەرگەیێن بریندار رە ژی شیفایا خێرێ خوەست.
د داخویانییا پاکێ ده هاتییه: دەولەتا ترکیێ په‌كه‌كێ ژ خوە رە دکە بەھانە و بەشەکە ئەردێ باشوورێ کوردستانێ داگر کرییە و ھەر رۆژ ئێریشان تینە سەر باشوورێ کوردستانێ.
هه‌روه‌ها ده‌ست نیشان كر، په‌كه‌كه ژی ب چالاکی و تەڤگەرێن خوەیێن چەکداری یێن ل باشوورێ کوردستانێ رێ ژ ئێریش و پلانێن دەولەتا ترکیێ رە خوەشتر دکە و دبێژە: “په‌كه‌ك دڤێ دەملدەست داوی ل چالاکی و خەباتێن خوەیێن چەکدارییێن ل باشوورێ کوردستانێ بینە؛ مافێ په‌كه‌كێ تونەیە کو باشوورێ کوردستانێ بکە قادا شەرێ خوە.
