ئەنجوومەنا نشتمانییا کوردی ل سووریێ ئەنکه‌سێ ل سەر ئێریشا په‌كه‌كێ یا شەھید کرنا پێشمەرگەیێن کوردستانێ داخویانیەک بەلاڤ کر و داخواز ژ ترکیێ و په‌كه‌كێ کر رێزێ ل سەروەرییا ھەرێما کوردستانێ بگرن.
سەرکردایەتییا گشتی یا ئەنکه‌سێ د داخویانییا خوە دە داخواز ژ حکوومەتا ترکیێ و په‌كه‌كێ کر کو رێزێ ل سەروەرییا ھەرێما کوردستانێ و ئەولەھییا خەلکێ وێ بگرن و شەرێ خوە نەبن ناڤ خاکا ھەرێما کوردستانێ.
ئه‌نه‌كه‌سێ ئێریشا ل دژی پێشمەرگەیێن کوردستانێ شەرمەزار کر و گۆت: رۆژا 5ێ خزیرانێ ھن چەکدارێن په‌كه‌كێ ھەژمارەک پێشمەرگەیان ل چیایێ مەتینا کرنە ئارمانج و 5 پێشمەرگە شەھید بوونە و ھەژمارەکە دن ژی بریندار بوونە.
ل ئالیێ دن پارتییا یەکیتییا دەمۆکراتیک په‌یه‌دێ بێی کو بەرپرسییا ئێریشا په‌كه‌كێ بینە زمان گۆتییە: ئارمانجا داگیرکارییا ترکیێ ئەوە کو شەرەکی کوردی – کوردی چێببە و ژ ئەنجاما ڤان دژمنکاریێن ترکیێ و ھەولێن دەرخستنا فێلبازی، 6 پێشمەرگەیان ژیانا خوە ژ دەست دانە.
